ജെ സി ഡാനിയേല്‍ പുരസ്‌കാരം ഷീലയ്ക്ക്

തിരുവനന്തപുരം: മലയാള ചലച്ചിത്ര രംഗത്തെ സമഗ്ര സംഭാവനയ്ക്കുള്ള 2018ലെ ജെ സി ഡാനിയേല്‍ പുരസ്‌കാരം പ്രഖ്യാപിച്ചു. പ്രശസ്ത നടി ഷീലയാണ് പുരസ്‌കാരത്തിന് അര്‍ഹയായത്. അഞ്ചുലക്ഷം രൂപയും പ്രശസ്തിപത്രവും ശില്‍പ്പവും അടങ്ങുന്നതാണ് പുരസ്‌കാരം. ജൂലൈ 22ന് തിരുവനന്തപുരം നിശാഗന്ധി ഓഡിറ്റോറിയത്തില്‍ നടക്കുന്ന സംസ്ഥാന ചലച്ചിത്ര അവാര്‍ഡ് വിതരണച്ചടങ്ങില്‍ പുരസ്‌കാരം ഷീലയ്ക്ക് സമ്മാനിക്കും.