- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
ശബരിപാത: സംസ്ഥാന സര്ക്കാര് അഞ്ചുവര്ഷം നഷ്ടപ്പെടുത്തിയെന്ന് ഉമ്മന്ചാണ്ടി

തിരുവനന്തപുരം: സംസ്ഥാന സര്ക്കാര് പകുതി ചെലവ് വഹിച്ചുകൊണ്ട് ശബരി റെയില്പാത നിര്മിക്കാന് ഇപ്പോളെടുത്ത തീരുമാനം വൈകിയതുകൊണ്ട് അഞ്ചുവര്ഷമാണ് നഷ്ടപ്പെട്ടതെന്ന് മുന് മുഖ്യമന്ത്രി ഉമ്മന്ചാണ്ടി. തിരഞ്ഞെടുപ്പ് അടുത്തപ്പോള് യുഡിഎഫിന്റെ നിലപാടിലേയ്ക്കു തിരിച്ചു പോയ ഇടതുസര്ക്കാര് പദ്ധതി പൊടിതട്ടിയെടുത്ത് പ്രഖ്യാപനം നടത്തുകയാണ് ചെയ്തത്. റെയില്വെയുടെ അംഗീകാരവും കേന്ദ്രസര്ക്കാരിന്റെ അനുമതിയും മറ്റും ലഭിച്ചതിനുശേഷം പദ്ധതിയെന്നു തുടങ്ങാനാവുമെന്നു നിശ്ചയമില്ല. വൈകിവന്ന ബുദ്ധിയാണെങ്കിലും അതിനെ സ്വാഗതം ചെയ്യുന്നുവെന്ന് ഉമ്മന്ചാണ്ടി പറഞ്ഞു.
ദേശീയ തീര്ത്ഥാടന കേന്ദ്രമെന്ന നിലയിലും ശബരിമലയുടെ പ്രാധാന്യം ഉള്ക്കൊണ്ടുമാണ് യുഡിഎഫ് സര്ക്കാര് ശബരിപാത നടപ്പാക്കാന് തീരുമാനിച്ചത്. കേന്ദ്രത്തിന്റെ ചെലവില് പദ്ധതി നടപ്പാക്കണമെന്ന് അന്ന് യുഡിഎഫ് സര്ക്കാര് കേന്ദ്രത്തോട് ആവശ്യപ്പെടുകയും ഇക്കാര്യം പ്രധാനമന്ത്രിയുമായി ചര്ച്ച നടത്തുകയും ചെയ്തു. അത് നടക്കില്ലെന്നു ബോധ്യപ്പെട്ടപ്പോഴാണ് സംസ്ഥാന സര്ക്കാര് പകുതി ചെലവ് വഹിച്ച് പദ്ധതി നടപ്പാക്കാന് തീരുമാനിച്ചത്. സ്ഥലമെടുപ്പ് ഉള്പ്പെടെയുള്ള കാര്യങ്ങളുമായി മുന്നോട്ടുപോവുകയും ചെയ്തു. എന്നാല്, ഇടതുസര്ക്കാര് അധികാരമേറ്റതിനെത്തുടര്ന്ന് മുഴുവന് ചെലവും കേന്ദ്രം വഹിക്കണമെന്ന നിലപാടെടുത്തു. ഇക്കാര്യം മുഖ്യമന്ത്രി പ്രധാനമന്ത്രിയോട് ആവശ്യപ്പെടുകയും ചെയ്തിട്ടുണ്ട്. കേന്ദ്രം നിരാകരിച്ചതോടെ പദ്ധതി അഞ്ചുവര്ഷം നിശ്ചലമായെന്ന് ഉമ്മന്ചാണ്ടി പറഞ്ഞു.
കഴിഞ്ഞ ദിവസം കൊട്ടിഘോഷിച്ച് ഉദ്ഘാടനം ചെയ്ത ഗെയില് പദ്ധതിയെ ഇത്രയും വൈകിപ്പിച്ചതിനും ഇടതുസര്ക്കാര് കേരളത്തോട് മാപ്പുപറയണം. ഗെയില് ഗെയില് ഗോ എവേ എന്നു പറഞ്ഞാണ് സിപിഎം അന്ന് വന് പ്രക്ഷോഭം സംഘടിപ്പിച്ചത്. ഭൂമിക്കടിയിലെ ബോംബ് എന്നായിരുന്നു പ്രചാരണം. 2009ല് അനുവദിച്ച പദ്ധതിക്ക് ജീവന് വച്ചത് 2011ലെ യുഡിഎഫ് സര്ക്കാരിന്റെ കാലത്താണ്. പദ്ധതിയുടെ ഒന്നാം ഘട്ടമായ കൊച്ചിഅമ്പലമുകള് 2013ല് പൂര്ത്തിയാക്കി. ഫാക്ട്, ബിപിസിഎല്, പ്രത്യേക സാമ്പത്തിക മേഖല എന്നിവ ഉള്പ്പെടെയുള്ള സ്ഥാപനങ്ങള്ക്ക് വ്യാവസായികാവശ്യത്തിനുള്ള വാതകം നല്കി. 2015ല് കൊച്ചിയില് ഗാര്ഹിക ഉപയോഗത്തിനുള്ള പാചക വിതരണം ആരംഭിച്ചു. രണ്ടാംഘട്ടമായ കൊച്ചി കൂറ്റനാട് ഭാഗത്ത് പൈപ്പ് ഇടുന്നതിന് തദ്ദേശവാസികളില്നിന്ന് അനുമതി നേടി മുന്നോട്ടുപോയപ്പോഴാണ് പദ്ധതിക്കെതിരേ സിപിഎം തിരിഞ്ഞത്. അഞ്ചു വര്ഷമാണ് ഇങ്ങനെ നഷ്ടപ്പെടുത്തിയതെന്ന് ഉമ്മന്ചാണ്ടി ചൂണ്ടിക്കാട്ടി.
RELATED STORIES
രണ്ടു കോടി രൂപയുടെ കൈക്കൂലിക്കേസ്; ഇഡി അസിസ്റ്റന്റ് ഡയറക്ടര് ശേഖര്...
2 Jun 2025 9:22 AM GMTനിലമ്പൂര് ഉപതിരഞ്ഞെടുപ്പ്: പി വി അന്വര് നാമനിര്ദേശപത്രിക...
2 Jun 2025 9:07 AM GMTഎറണാകുളം ഞാറയ്ക്കല് ബീച്ചില് കുളിക്കാനിറങ്ങിയ വിദേശ പൗരന്മാരെ...
2 Jun 2025 8:50 AM GMT'എന്റെ മാതാവ് എവിടെ; തടങ്കലില് വച്ചിരിക്കുന്ന മാതാവിനെ ഹാജരാക്കൂ';...
2 Jun 2025 7:51 AM GMTസ്വത്ത് തര്ക്കം; കര്ണാടകയില് ഏഴ് പേര് ചേര്ന്ന് യുവാവിനെ...
2 Jun 2025 7:26 AM GMTനേരിയ മഴയ്ക്കു സാധ്യത; കാലാവസ്ഥ വകുപ്പ്
2 Jun 2025 7:05 AM GMT