തിരുവല്ലത്തെ അന്യായ ടോള്‍ പിരിവ് അനുവദിക്കില്ല; എസ്ഡിപിഐ സൂചന സമരം നടത്തി

തിരുവനന്തപുരം: തിരുവല്ലത്തെ അന്യായ ടോള്‍ പ്ലാസക്കെതിരെ എസ്ഡിപി ഐ കമലേശ്വരം സിറ്റി കമ്മിറ്റി സൂചനാസമരം നടത്തി. പ്രകടനം തിരുവല്ലത്തു നിന്നും ആരംഭിച്ചു ടോള്‍ പ്ലാസയില്‍ സമാപിച്ചു.

സൂചന സമരം നേമം മണ്ഡലം സെക്രട്ടറി ഹക്കീം കരമന ഉദ്ഘാടനം ചെയ്തു. പരിപാടി ടോള്‍ പ്ലാസ പിരിവ് തുടരുന്ന പക്ഷം സമര പരിപാടികളുമായി മുന്നോട്ട് പോകുമെന്ന് അദ്ദേഹം പറഞ്ഞു. സിറ്റി പ്രസിഡന്റ് അബ്ദുല്‍ അസീസ് പാച്ചല്ലൂര്‍ അധ്യക്ഷത വഹിച്ചു.

സമരത്തിന് മണ്ഡലം ജോയിന്റ് വൈസ് പ്രസിഡന്റ് നൗഷാദ് ചാത്തിയാറ, ജോയിന്റ് സെക്രട്ടറി ഷാജി കഞ്ഞിപ്പുര, മണ്ഡലം ഖജാന്‍ജി ഹാഷിം പാച്ചല്ലൂര്‍, സിറ്റി പ്രസിഡന്റ് സെക്രട്ടറി മുസ്തഫ, പാച്ചല്ലൂര്‍ ബ്രാഞ്ച് സെക്രട്ടറി സുധീഷ് എന്നിവര്‍ സംബന്ധിച്ചു.

കോണ്‍ഗ്രസും സിപിഎമ്മും ഇന്ന് പ്രതിഷേധ മാര്‍ച്ച് നടത്തിയിരുന്നു.