പരീക്ഷയെഴുതാന്‍ കഴിയാത്ത കൊവിഡ് ബാധിതരായ വിദ്യാര്‍ഥികള്‍ക്കും ക്വാറന്റൈനിലുള്ളവര്‍ക്കും പ്രത്യേക പരീക്ഷ നടത്തണം: മനുഷ്യാവകാശ കമ്മീഷന്‍
തിരുവനന്തപുരം: കൊവിഡ് രോഗബാധ കാരണം സര്‍വകലാശാലാ പരീക്ഷകള്‍ എഴുതാന്‍ കഴിയാത്ത വിദ്യാര്‍ഥികള്‍ക്കും ക്വാറന്റൈനിലുള്ളവര്‍ക്കും പ്രത്യേക ഷെഡ്യൂള്‍ തയ്യാറാക്കി പരീക്ഷ നടത്തണമെന്ന് സംസ്ഥാന മനുഷ്യാവകാശ കമ്മീഷന്‍. കമ്മീഷന്‍ അധ്യക്ഷന്‍ ജസ്റ്റിസ് ആന്റണി ഡൊമിനിക് സംസ്ഥാനത്തെ എല്ലാ സര്‍വകലാശാലാ രജിസ്ട്രാറുമാര്‍ക്കാണ് ഉത്തരവ് നല്‍കിയത്. ഉത്തരവ് ഇ മെയിലില്‍ അയച്ചു.
പരീക്ഷ സംബന്ധിച്ച് വിദ്യാര്‍ഥികള്‍ക്ക് യാതൊരു തരത്തിലുമുള്ള മാനസിക സംഘര്‍ഷവുമുണ്ടാവാതിരിക്കാനുള്ള ക്രമീകരണം ബന്ധപ്പെട്ട കോളജുകള്‍ ചെയ്യണമെന്നും കമ്മീഷന്‍ ഉത്തരവില്‍ പറഞ്ഞു. കൊവിഡ് വ്യാപനം നിലനില്‍ക്കുന്നതിനാല്‍ വിദ്യാര്‍ഥികള്‍ക്കുള്ള ആശങ്കകള്‍ പരിഹരിക്കണം. കൊവിഡ് മാനദണ്ഡങ്ങള്‍ പാലിച്ച്, വിദ്യാര്‍ഥികളുടെ സുരക്ഷ ഉറപ്പാക്കി പരീക്ഷകള്‍ ക്രമീകരിക്കേണ്ട ഉത്തരവാദിത്വം സര്‍വകലാശാലകള്‍ക്കുണ്ടെന്ന് ജസ്റ്റിസ് ആന്റണി ഡൊമിനിക് ഉത്തരവില്‍ പറഞ്ഞു.
കൊവിഡ് നിയന്ത്രണങ്ങള്‍ നിലനില്‍ക്കുന്ന പ്രദേശങ്ങളിലെ വിദ്യാര്‍ഥികള്‍ക്ക് പരീക്ഷ എഴുതുന്നതിനുള്ള സൗകര്യം കോളജുകള്‍ ചെയ്യണമെന്നും അക്കാര്യം സര്‍വകലാശാലകള്‍ ഉറപ്പാക്കണം. ഉത്തരവിന്റെ അടിസ്ഥാനത്തില്‍ സര്‍വകലാശാലകള്‍ സ്വീകരിച്ച നടപടികള്‍ ജൂലൈ 12 നകം കമ്മീഷനെ രേഖാമൂലം അറിയിക്കണമെന്നും ഉത്തരവില്‍ പറയുന്നു. പരീക്ഷ മാറ്റിവയ്ക്കണമെന്നാവശ്യപ്പെട്ട് നിരവധി വിദ്യാര്‍ഥികള്‍ സമര്‍പ്പിച്ച പരാതികളിലാണ് ഉത്തരവ്.
'50 ബോംബുകള്‍ പഞ്ചാബില്‍ എത്തിയിട്ടുണ്ട്'; കോണ്‍ഗ്രസ് നേതാവ് പ്രതാപ്...
17 April 2025 6:27 AM GMTഎംപുരാൻ ആവിഷ്ക്കരിച്ചതിനെക്കാൾ ഭയാനകമാണ് ഗുജറാത്ത് വംശഹത്യ: പ്രൊഫ: കെ ...
17 April 2025 6:13 AM GMTയുപിയിൽ 58 ഏക്കർ വഖ്ഫ് ഭൂമി സർക്കാർ വസ്തുവായി രജിസ്റ്റർ ചെയ്തു
17 April 2025 6:01 AM GMTവഖ്ഫ് നിയമം സുപ്രിംകോടതി സ്റ്റേ ചെയ്യുമെന്ന് പ്രതീക്ഷിക്കുന്നു:...
17 April 2025 5:53 AM GMTവയനാട്ടില്‍ തെരുവുനായ ആക്രമണം; മദ്‌റസയിലേക്കു പോയ 12കാരിക്ക് ഗുരുതര...
17 April 2025 5:34 AM GMTലഹരി ഉപയോഗിച്ച് മോശമായി പെരുമാറിയത് നടന്‍ ഷൈന്‍ ടോം ചാക്കോയെന്ന് നടി...
17 April 2025 5:21 AM GMT
