എഡിജിപി എം ആര് അജിത്കുമാറിനെതിരേ വിജിലന്സ് അന്വേഷണത്തിന് സര്ക്കാര് ഉത്തരവിട്ടു
മലപ്പുറം മുന് എസ്.പി. സുജിത്ത് ദാസിനെതിരേയും അന്വേഷണമുണ്ടാകും.
തിരുവനന്തപുരം: എ.ഡി.ജി.പി എം ആര് അജിത്കുമാറിനെതിരേ വിജിലന്സ് അന്വേഷണത്തിന് ഉത്തരവിട്ട് സംസ്ഥാന സര്ക്കാര്. സംസ്ഥാന പോലിസ് മേധാവി ഷൈഖ് ദര്വേഷ് സാഹിബ് നല്കിയ ശുപാര്ശ അംഗീകരിച്ചുകൊണ്ടാണ് സര്ക്കാര് ഉത്തരവ്. അനധികൃത സ്വത്ത് സമ്പാദനവും കെട്ടിട നിര്മ്മാണവും ഉള്പ്പെടെയുള്ള കാര്യങ്ങളാണ് എ.ഡി.ജി.പിക്കെതിരായ വിജിലന്സ് അന്വേഷണത്തിന്റെ പരിധിയില് വരിക. സസ്പെന്ഷനില് തുടരുന്ന മലപ്പുറം മുന് എസ്.പി. സുജിത്ത് ദാസിനെതിരേയും അന്വേഷണമുണ്ടാകും. അന്വേഷണസംഘത്തെ വെള്ളിയാഴ്ച തീരുമാനിക്കും.
സംസ്ഥാന പോലിസ് മേധാവിയുടെ ശുപാര്ശയില് നടപടിയെടുക്കാത്തതിനെ തുടര്ന്ന് വ്യാപകമായ വിമര്ശനം സര്ക്കാരിനെതിരെ ഉയര്ന്നിരുന്നു. ഘടകകക്ഷിയായ സി.പി.ഐ. ഉള്പ്പെടെ എ.ഡി.ജി.പിക്കെതിരെ നടപടി വേണമെന്ന ആവശ്യം ശക്തമായി ഉന്നയിച്ചതോടെയാണ് ഒന്നരയാഴ്ചയ്ക്ക് ശേഷം സര്ക്കാര് വിജിലന്സ് അന്വേഷണത്തിന് ഉത്തരവിട്ടത്.
ഷൈഖ് ദര്വേഷ് സാഹിബിന്റെ നേതൃത്വത്തില് എം.ആര് അജിത്ത് കുമാറിനെതിരെ നിലവില് അന്വേഷണം നടക്കുന്നുണ്ട്. കൂടാതെ കോഴിക്കോട്ടെ റിയല് എസ്റ്റേറ്റ് വ്യവസായി മാമി എന്ന മുഹമ്മദ് ആട്ടൂരിന്റെ തിരോധാനത്തിലും എ.ഡി.ജി.പി സംശയത്തിന്റെ നിഴലിലാണ്. ക്രൈം ബ്രാഞ്ചാണ് മാമി കേസ് അന്വേഷിക്കുന്നത്.
RELATED STORIES
ലെബനനില് ഇസ്രായേല് വ്യോമാക്രമണം; യുദ്ധ പ്രഖ്യാപനമെന്ന് ഹിസ്ബുല്ല;...
19 Sep 2024 6:30 PM GMTഎഡിജിപി എം ആര് അജിത്കുമാറിനെതിരേ വിജിലന്സ് അന്വേഷണത്തിന് സര്ക്കാര് ...
19 Sep 2024 5:56 PM GMTചായയുമായി ട്രെയിനില് കയറാന് ശ്രമം; തെന്നിവീണ് ഒറ്റപ്പാലം സ്വദേശി...
19 Sep 2024 3:07 PM GMTനിപ: ഒരു ഫലം കൂടി നെഗറ്റീവ്; സമ്പര്ക്ക പട്ടികയില് 268പേര്
19 Sep 2024 2:37 PM GMTഎം പോക്സ്: വൈറസ് വകഭേദം കണ്ടെത്താന് ജീനോം സീക്വന്സിങ്...
19 Sep 2024 2:28 PM GMTസിബിഎസ്ഇ ഉറുദു ചോദ്യപേപ്പര് ഒഴിവാക്കി; ആയിരക്കണക്കിന് വിദ്യാര്ഥികള് ...
19 Sep 2024 1:47 PM GMT