യുവമോര്ച്ച പ്രാദേശിക നേതാവിന്റെ വാഹനങ്ങള് കത്തിച്ചു
![യുവമോര്ച്ച പ്രാദേശിക നേതാവിന്റെ വാഹനങ്ങള് കത്തിച്ചു യുവമോര്ച്ച പ്രാദേശിക നേതാവിന്റെ വാഹനങ്ങള് കത്തിച്ചു](https://www.thejasnews.com/h-upload/2022/08/13/200385-vehicles-fire710x400xt.webp)
തിരുവനന്തപുരം: തിരുവനന്തപുരം കാട്ടാക്കടയില് യുവമോര്ച്ച പ്രാദേശിക നേതാവിന്റെ വീട്ടില് നിര്ത്തിയിട്ട നാല് വാഹനങ്ങള്ക്ക് തീയിട്ടു. നാട്ടുകാര് ചേര്ന്ന് തീ അണച്ചതിനാല് വീട്ടിലേക്ക് തീ പടര്ന്നില്ല. ഈയിടെ തൃശൂരില് നിന്ന് മോഷണം പോയ ബൈക്ക് തീപിടുത്തം നടന്ന സ്ഥലത്തിനടുത്ത് ഉപേക്ഷിച്ച നിലയില് കണ്ടെത്തി. കാട്ടാക്കട പൂവച്ചലിലാണ് സംഭവം.
പുലര്ച്ചെ നാലോടെ നാട്ടുകാരാണ് യുവമോര്ച്ച പ്രാദേശിക നേതാവായ സിദ്ധാര്ത്ഥിന്റെ വീട്ടില് തീ ആദ്യം കണ്ടത്. അപ്പോള് തന്നെ തീ കെടുത്താനായതിനാല് വീട്ടിലേക്ക് തീ പടര്ന്നില്ല. വീടിന്റെ പോര്ച്ചില് പാര്ക്ക് ചെയ്ത കാറും ബൈക്കും രണ്ട് സ്കൂട്ടറിനുമാണ് തീയിട്ടത്. ബൈക്കും കാറും ഏതാണ്ട് പൂര്ണമായും കത്തിനശിച്ച നിലയിലാണ്. തീ വീട്ടിലേക്ക് പടരുന്നതിന് മുമ്പ് അണയ്ക്കാനായത് വന് ദുരന്തം ഒഴിവാക്കി. സംഭവത്തില് പോലിസ് അന്വേഷണം സജീവമായി പുരോഗമിക്കുന്നുണ്ട്.
പ്രദേശത്തെ സിസിടിവികള് രാവിലെ മുതല് തന്നെ പൊലീസ് പരിശോധിച്ച് തുടങ്ങി. തൃശൂരില് നിന്ന് മോഷണം പോയ ബൈക്ക് വീടിന്റെ തൊട്ടടുത്ത് ഉപേക്ഷിച്ച നിലയില് കണ്ടെത്തിയതായി കാട്ടാക്കട പോലിസ് പറഞ്ഞു. മോഷണം പോയ ബൈക്കിലെത്തിയാണ് അക്രമികള് തീയിട്ടത് എന്നാണ് പോലിസ് കരുതുന്നത്. സിദ്ധാര്ത്ഥ് പ്രാദേശിക യുവമോര്ച്ച നേതാവ് ആയതുകൊണ്ട് തന്നെ രാഷ്ട്രീയ വൈരാഗ്യമാണോ അതോ മറ്റേതെങ്കിലും കാരണമാണോ സംഭവത്തിന് പിന്നിലെന്ന് പോലിസ് അന്വേഷിച്ചുവരികയാണ്.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT