കുവൈത്തില്‍ പോലിസ് മേധാവിക്ക് കൊവിഡ് ബാധ

കുവൈത്ത് സിറ്റി: പോലിസ് അസോസിയേഷന്‍ ഡയറക്ടര്‍ക്ക് കൊവിഡ് സ്ഥിരീകരിച്ചു.കേണല്‍ അലി ഇദ്രീസ് അല്‍ ബന്‍ ദറിനാണ് കൊറോണ വൈറസ് ബാധിച്ചത്. ഇദ്ദേഹത്തെ ജാബിര്‍ ആശുപത്രിയിലേക്ക് മാറ്റി. കൊറോണ പ്രതിരോധ പ്രവര്‍ത്തന രംഗത്ത് പോലിസ് വഹിക്കുന്ന സേവനം അഭിനന്ദനം ഏറ്റുവാങ്ങുന്നുണ്ട്. മറ്റുള്ളവര്‍ക്ക് വീട്ടിലിരിക്കാന്‍ പുറത്ത് കാവലും കരുതലും നടത്തുന്ന പോലിസും ശ്രദ്ധേ യമായ സേവനമാണ് അനുഷ്ഠിക്കുന്നത്. കെട്ടിടത്തിലെ താമസക്കാരോട് പുറത്തിറങ്ങരുതെന്ന് മൈക്കിലൂടെ വിളിച്ചുപറഞ്ഞ് ഗ്യാസ് സിലിണ്ടര്‍ താമസ സ്ഥലത്തേക്ക് എത്തിച്ചുകൊടുക്കുന്ന കുവൈത്ത് പോലിസിന്റെ വിഡിയോ സമൂഹ മാധ്യമങ്ങളില്‍ വൈറലായിരുന്നു.