മസ്‌കത്തില്‍ കാസര്‍കോട് സ്വദേശി കൊവിഡ് ബാധിച്ച് മരിച്ചു

മസ്‌കത്ത്: കൊവിഡ് ബാധിച്ച് ചികില്‍സയിലായിരുന്ന കാസര്‍കോട് സ്വദേശി മസ്‌കത്തില്‍ മരിച്ചു. കാഞ്ഞങ്ങാട് അജാനൂര്‍ കടപ്പുറത്ത് അശോകന്റെ മകന്‍ അഭീഷ് (36) ആണ് സുല്‍ത്താന്‍ ഖാബൂസ് സര്‍വകലാശാല ആശുപത്രിയില്‍ മരിച്ചത്.

കഴിഞ്ഞ ഒരാഴ്ചയോളമായി ഗുരുതരാവസ്ഥയില്‍ ചികില്‍സയിലായിരുന്നു. മബേലയില്‍ ബില്‍ഡിങ് മെറ്റീരിയല്‍ കടയിലെ ജീവനക്കാരനാണ്. എട്ടുവര്‍ഷത്തിലധികമായി മസ്‌കത്തിലുണ്ട്. അശ്വനിയാണ് ഭാര്യ: അക്ഷിത്, അന്‍ഷിത് മക്കളാണ്. നന്മ കാസര്‍ക്കോട് കൂട്ടായ്മയുടെ പ്രവര്‍ത്തകനാണ്.