റിയാദില്‍ കുഴല്‍പ്പണമിടപാട് നടത്തിയ ഇന്ത്യക്കാര്‍ പിടിയില്‍

റിയാദ്: കുഴല്‍പ്പണമിടപാട് നടത്തിവന്ന ഇന്ത്യാക്കാരായ സംഘം റിയാദില്‍ പോലിസിന്റെ പിടിയിലായി. ആറുപേരടങ്ങുന്ന സംഘമാണ് പിടിയിലായതെന്ന് റിയാദ് പോലിസ് വക്താവ് ക്യാപ്റ്റന്‍ ഖാലിദ് ഖുറൈദസ് പറഞ്ഞു. രണ്ട് സ്വദേശികളുടെ പേരിലുള്ള ബിസിനസ് സ്ഥാപനങ്ങളുടെ പേരില്‍ 2020ല്‍ മാത്രം ഇവര്‍ 120 ദശലക്ഷം റിയാല്‍ സൗദിക്ക് പുറത്തേയ്ക്ക് അയച്ചിട്ടുണ്ട്.

ഇവരില്‍നിന്നും ഉറവിടം വ്യക്തമല്ലാത്ത 22,500 റിയാല്‍ കണ്ടെടുത്തു. തുടര്‍നടപടികള്‍ക്കായി ഇവരെ ബന്ധപ്പെട്ട വകുപ്പിനു കൈമാറിയതായി പോലിസ് അറിയിച്ചു.