ബെംഗളൂരുവില്‍ മഴ വില്ലന്‍; ദക്ഷിണാഫ്രിക്കയും ഇന്ത്യയും കിരീടം പങ്കിട്ടു

ബെംഗളൂരു: ഇന്ത്യാ-ദക്ഷിണാഫ്രിക്ക ട്വന്റി-20 പരമ്പരയിലെ അവസാന മല്‍സരം മഴ കാരണം ഉപേക്ഷിച്ചു. നേരത്തെ മല്‍സരം 2-2 സമനിലയില്‍ അവസാനിച്ചതിനാല്‍ കിരീടം ഇരുടീമും പങ്കുവച്ചു. രണ്ട് തവണ മഴ കളി തടസ്സപ്പെടുത്തി.3.3 ഓവറില്‍ എത്തിനില്‍ക്കെയാണ് മഴ കളിയെ കാര്യമായി ബാധിച്ചത്. ഈ സമയം ടോസ് നഷ്ടപ്പെട്ട ഇന്ത്യ ബാറ്റ് ചെയ്യുകയായിരുന്നു. രണ്ട് വിക്കറ്റ് നഷ്ടത്തില്‍ ഇന്ത്യ 28 റണ്‍സാണ് നേടിയത്. ഇഷാന്‍ കിഷന്‍ (15), ഋതുരാജ് (10) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ശ്രേയസ് അയ്യരും (0), ഋഷഭ് പന്തും (1) ആയിരുന്നു ക്രീസില്‍. ഇന്ത്യന്‍ വംശജന്‍ കേശവ് മഹാരാജാണ് ഇന്ന് ദക്ഷിണാഫ്രിക്കയെ നയിച്ചത്.