സണ്‍റൈസേഴ്‌സിന് മുംബൈക്കെതിരേ 209 റണ്‍സ് ലക്ഷ്യം

ഷാര്‍ജ: ഐപിഎല്ലില്‍ മുംബൈ ഇന്ത്യന്‍സിനെതിരേ സണ്‍റൈസേഴ്‌സ് ഹൈദരാബാദിന് വിജയലക്ഷ്യം 209 റണ്‍സ്. ക്വിന്റണ്‍ ഡീ കോക്ക് ഫോമിലേക്കുയര്‍ന്ന മല്‍സരത്തില്‍ രോഹിത്ത് ആറ് റണ്‍സിന് പുറത്തായി. ഡീ കോക്ക് ആകട്ടെ 39 പന്തില്‍ നിന്ന് 67 റണ്‍സ് നേടി. പിന്നീട് വന്ന സൂര്യകുമാര്‍ യാദവ് (27), ഇഷാന്‍ കിഷന്‍ (31), പൊള്ളാര്‍ഡ്(25), ഹാര്‍ദ്ദിക്ക് പാണ്ഡെ (28), ക്രൂനാല്‍ പാണ്ഡെ (20) എന്നിവരും മികച്ച ബാറ്റിങ് പുറത്തെടുത്തപ്പോള്‍ മുംബൈയുടെ സ്‌കോര്‍ അഞ്ചിന് 208 എന്ന മെച്ചപ്പെട്ട നിലയിലായി. സന്ദീപ് ശര്‍മ്മ, സിദ്ധാര്‍ത്ഥ കൗള്‍ എന്നിവര്‍ ഹൈദരാബാദിനായി രണ്ട് വിക്കറ്റ് വീതം നേടി.