ആഴ്‌സണലിനെ തടയാനാവില്ല; ലിവര്‍പൂള്‍ വന്‍മതിലും കടന്ന് കുതിക്കുന്നു

ആന്‍ഫീല്‍ഡ്: ഇംഗ്ലിഷ് പ്രീമിയര്‍ ലീഗില്‍ ഒന്നാം സ്ഥാനം ആര്‍ക്കും വിട്ടുകൊടുക്കാന്‍ തയ്യാറല്ലെന്ന് ആഴ്‌സണല്‍ ഒരിക്കല്‍ കൂടി തെളിയിച്ചു.ഇന്ന് കരുത്തരായ ലിവര്‍പൂളിനെയും മറികടന്ന് ആഴ്‌സണല്‍ ഒന്നാം സ്ഥാനെത്തി. കഴിഞ്ഞ ഒരു ദിവസം സിറ്റി ഒന്നാം സ്ഥാനത്ത് നിന്നെങ്കിലും ഇന്നത്തെ ജയത്തോടെ ആഴ്‌സണല്‍ ആ സ്ഥാനം തിരിച്ചെടുത്തു. 3-2നാണ് ആഴ്‌സണലിന്റെ ജയം. സ്റ്റാര്‍ സ്‌ട്രൈക്കര്‍ ബുക്കായാ സാക്ക( 45, 76) ഇരട്ട ഗോള്‍ നേടിയപ്പോള്‍ മാര്‍ട്ടിനെല്ലി(1) ആഴ്‌സണലിനായി ഒരു ഗോളും നേടി. ലിവര്‍പൂളിനായി ന്യുനസ്(34), ഫിര്‍മിനോ (53) എന്നിവരും സ്‌കോര്‍ ചെയ്തു.

മറ്റൊരു മല്‍സരത്തില്‍ എവര്‍ട്ടണെ 2-1ന് മാഞ്ചസ്റ്റര്‍ യുനൈറ്റഡ് പരാജയപ്പെടുത്തി.

സ്പാനിഷ് ലീഗില്‍ ബാഴ്‌സലോണ വീണ്ടും ഒന്നാം സ്ഥാനത്തെത്തി. സെല്‍റ്റാ വിഗോയെ മറികടന്നാണ് ബാഴ്‌സയുടെ ജയം. ഗോണ്‍സാലസ് പെഡ്രി(17)യാണ് കറ്റാലന്‍സിന്റെ വിജയഗോള്‍ നേടിയത്.