നെയ്മറിന് പിറകെ കേരളത്തിന് നന്ദി അറിയിച്ച് മെസ്സിയും

ബ്യൂണസ് ഐറിസ്: ലോകകപ്പ് ഫുട്‌ബോളില്‍ അര്‍ജന്റീന ടീമിനെ പിന്തുണച്ച കേരളത്തിന് ടീമിന്റെ നന്ദി. അര്‍ജന്റീനാ ഫുട്‌ബോള്‍ ടീമിന്റെ ട്വിറ്റര്‍ അക്കൗണ്ടിലാണ് കേരളത്തിന് പ്രത്യേക നന്ദി അറിയിച്ചത്. കേരളത്തിന് പുറമെ, ഇന്ത്യ, പാകിസ്താന്‍, ബംഗ്ലാദേശ് എന്നിവര്‍ക്കും ടീം നന്ദി അറിയിച്ചു. ഇന്ത്യയില്‍ ഏറ്റവും കൂടുതല്‍ അര്‍ജന്റീനാ ആരാധകര്‍ ഉള്ള സംസ്ഥാനമാണ് കേരളം. ലോകകപ്പില്‍ അര്‍ജന്റീനയെ പിന്തുണച്ച് കേരളത്തിന്റെ മുക്കിലും മൂലയിലം മെസ്സിയുടെയും അര്‍ജന്റീനയുടെയും കട്ടൗട്ടുകളും ഫ്‌ളക്‌സുമായിരുന്നു. അര്‍ജന്റീനയുടെ ലോകകപ്പ് ജയത്തിന് ശേഷം വന്‍ ആഘോഷങ്ങളാണ് സംസ്ഥാനത്തുട നീളം നടന്നത്.

നേരത്തെ സൂപ്പര്‍ താരം നെയ്മര്‍ തന്റെ കട്ടൗട്ട് വച്ച കേരളത്തിനും ഇന്ത്യയ്ക്കും നന്ദി അറിയിച്ചിരുന്നു. ഇന്‍സ്റ്റഗ്രാമില്‍ നെയ്മറിന്റെ കട്ടൗട്ട് മലപ്പുറം കാരനായ അദീബ് പങ്കുവെച്ചിരുന്നു. തുടര്‍ന്ന് ബ്രസീല്‍ ആരാധകര്‍ വഴി ചിത്രം നെയ്മറിലെത്തുകയായിരുന്നു. തുടര്‍ന്നാണ് നെയ്മറിന്റെ നന്ദി പ്രകടനം.

#Qatar2022

Thank you Bangladesh 🤩
Thank you Kerala, India, Pakistan. Your support was wonderful! https://t.co/GvKwUP2hwJ

— 🇦🇷 Selección Argentina ⭐⭐⭐ (@Argentina) December 19, 2022