സ്പാനിഷ് ലീഗ്; ബാഴ്‌സയ്ക്ക് ജയം; പ്രീമിയര്‍ ലീഗില്‍ ലെസ്റ്റര്‍ രണ്ടിലേക്ക്

ക്യാംപ് നൗ:സ്പാനിഷ് ലീഗില്‍ ബാഴ്‌സ വിജയകുതിപ്പ് തുടരുന്നു. ഇന്ന് ഒസാസുനയെ നേരിട്ട ബാഴ്‌സ എതിരില്ലാത്ത രണ്ട് ഗോളിനാണ് ജയിച്ചത്. ജയത്തോടെ രണ്ടാമതുള്ള ബാഴ്‌സ അത്‌ലറ്റിക്കോയുമായുള്ള പോയിന്റ് അന്തരം രണ്ടാക്കി കുറച്ചു. ആല്‍ബാ, 18കാരനായ മൗറിബാ എന്നിവരാണ് ബാഴ്‌സയ്ക്കായി സ്‌കോര്‍ ചെയ്തത്. മൗറിബയുടെ അഞ്ചാം മല്‍സരത്തിലാണ് താരത്തിന്റെ ബാഴ്‌സയ്ക്കായുള്ള ആദ്യ ഗോള്‍. രണ്ട് ഗോളുകള്‍ക്കും അസിസ്റ്റ് ഒരുക്കിയത് ലയണല്‍ മെസ്സിയാണ്. മറ്റ് മല്‍സരങ്ങളില്‍ സെവിയ്യയെ 2-1ന് എല്‍ഷെ തോല്‍പ്പിച്ചു. ഐബറിനെ കാഡിസ് എതിരില്ലാത്ത ഒരു ഗോളിന് തോല്‍പ്പിച്ചു.

ഇംഗ്ലിഷ് പ്രീമിയര്‍ ലീഗില്‍ ലെസ്റ്റര്‍ രണ്ടാം സ്ഥാനത്ത്. ബ്രിങ്ടണെ 2-1ന് തോല്‍പ്പിച്ചാണ് ലെസ്റ്റര്‍ സിറ്റി രണ്ടാം സ്ഥാനത്തേക്ക് എത്തിയത്. ലെസ്റ്ററിന്റെ ജയത്തോടെ മാഞ്ചസ്റ്റര്‍ യുനൈറ്റഡ് മൂന്നാം സ്ഥാനത്തേക്ക് വീണു. മറ്റൊരു മല്‍സരത്തില്‍ ആഴ്‌സണലിനെ ബേണലി 1-1 സമനിലയില്‍ പിടിച്ചു.