ലോകകപ്പ് യോഗ്യത; ഫ്രാന്‍സ്, ഹോളണ്ട്, ക്രൊയേഷ്യ സമനിലകുരുക്കില്‍

സെന്റ് പീറ്റേഴ്‌സ്ബര്‍ഗ്: ലോകകപ്പ് യോഗ്യതാ മല്‍സരങ്ങളില്‍ പ്രമുഖര്‍ക്ക് സമനില പൂട്ട്. കരുത്തരായ ഫ്രാന്‍സിനെ സമനിലയില്‍ പിടിച്ചത് (1-1)ബോസ്‌നിയയാണ്. ഗ്രീസ്മാനാണ് ഫ്രാന്‍സിന്റെ ഏക ഗോള്‍ നേടിയത്. ഓറഞ്ച് പടയായ ഹോളണ്ട് നോര്‍വെയോടും 1-1ന് സമനില വഴങ്ങി. ഹാലന്റാണ് നോര്‍വെയ്ക്കായി സ്‌കോര്‍ ചെയ്തത്. മറ്റൊരു വമ്പന്‍മാരായ ക്രൊയേഷ്യ റഷ്യയോട് ഗോള്‍ രഹിത സമനില വഴങ്ങി. മൊണ്ടനെഗ്രോ തുര്‍ക്കിയെ 2-2നും സമനിലയില്‍ പിടിച്ചു. യൂറോയിലെ അട്ടിമറിവീരന്‍മാരായ ഡെന്‍മാര്‍ക്ക് എതിരില്ലാത്ത രണ്ട് ഗോളിന് സ്‌കോട്ട്‌ലാന്റിനെ തോല്‍പ്പിച്ചു.വാസ്,മഹേല എന്നിവരാണ് ഡെന്‍മാര്‍ക്കിനായി വലകുലിക്കിയത്. മറ്റ് മല്‍സരങ്ങളില്‍ ലാത്വിയ, ഓസ്ട്രിയ,ഇസ്രായേല്‍, ലക്‌സംബര്‍ഗ് എന്നിവരും ജയം നേടി. ഉക്രെയന്‍-കസാഖിസ്ഥാന്‍ മല്‍സരവും 2-2 സമനിലയില്‍ കലാശിച്ചു.