ഇന്ത്യന്‍ സൂപ്പര്‍ ലീഗിലെ ചെന്നൈയിന്‍ കുതിപ്പിന് ബ്ലോക്കിട്ട് ഈസ്റ്റ് ബംഗാള്‍

പനാജി: ഇന്ത്യന്‍ സൂപ്പര്‍ ലീഗില്‍ തുടര്‍ച്ചയായ രണ്ട് ജയവുമായി കുതിച്ച ചെന്നൈയിന്‍ എഫ് സിയെ ഗോള്‍ രഹിത സമനിലയില്‍ കുരുക്കി ഈസ്റ്റ് ബംഗാള്‍. പോയിന്റ് പട്ടികയില്‍ ഒന്നാമതുള്ള ചെന്നൈയിന് ഒമ്പതാം സ്ഥാനത്തുള്ള ഈസ്റ്റ് ബംഗാള്‍ കോട്ട തകര്‍ക്കാനായില്ല. നിരവധി അവസരങ്ങള്‍ ലഭിച്ചിട്ടും ചെന്നൈയിന് ഒന്നും ലക്ഷ്യത്തിലെത്തിക്കാന്‍ കഴിഞ്ഞില്ല. ആദ്യ പകുതിയില്‍ ഈസ്റ്റ് ബംഗാള്‍ ഒരു ഷോട്ട് പോലും അടിക്കാന്‍ ശ്രമിച്ചില്ല. എന്നാല്‍ രണ്ടാം പകുതിയില്‍ ഈസ്റ്റ് ബംഗാള്‍ മികച്ച പ്രതിരോധം സൃഷ്ടിച്ചു.