കേരളാ വനിതാ ലീഗ്; ബ്ലാസ്‌റ്റേഴ്‌സിനും ഗോകുലത്തിന് വമ്പന്‍ ജയം

കോഴിക്കോട്: കേരളാ വനിതാ ലീഗില്‍ കേരളാ ബ്ലാസ്‌റ്റേഴ്‌സിനും ഗോകുലം കേരളയ്ക്കും വന്‍ ജയം. കേരളാ യുനൈറ്റഡിനെ എതിരില്ലാത്ത ഒമ്പത് ഗോളിനാണ് ബ്ലാസ്‌റ്റേഴ്‌സ് പരാജയപ്പെടുത്തിയത്. എമിറേറ്റസ് സോക്കര്‍ ക്ലബ്ബിനെ എതിരില്ലാത്ത 15 ഗോളിനാണ് ഗോകുലം കേരള പരാജയപ്പെടുത്തിയത്. ബ്ലാസ്റ്റേഴ്‌സിനായി ക്യാപ്റ്റന്‍ മാളവിക പി നാലും നിധിയാ ശ്രീധരന്‍ ഹാട്രിക്കും നേടി. ഗോകുലത്തിനായി ഘാന സ്‌ട്രൈക്കര്‍ വിവിയന്‍ കൊനാഡു, മലയാളി താരം സോണിയാ ജോസ് എന്നിവര്‍ അഞ്ച് ഗോള്‍ വീതം നേടി. ഹര്‍മ്മന്‍ കൗര്‍ മല്‍സരത്തില്‍ ഹാട്രിക്ക് നേടി.ഗോകലത്തിന്റെ മല്‍സരം കോഴിക്കോടും ബ്ലാസ്‌റ്റേഴ്‌സിന്റെ മല്‍സരം കൊച്ചിയിലുമാണ് നടന്നത്.