പിഎസ്ജിയുടെ ആദ്യ മല്‍സരത്തില്‍ മെസ്സിയുടെ കിടിലന്‍ ബൈസിക്കിള്‍ കിക്ക്

പാരിസ്: ക്രിസ്റ്റ്‌ഫോ ഗ്ലാറ്റിയര്‍ക്ക് കീഴില്‍ പുതിയ സീസണിന് തുടക്കമിട്ട പിഎസ്ജി പതിവ് പോലെ ജയത്തോടെ തുടങ്ങി.ക്ലര്‍മോണ്ടിനെതിരേ അഞ്ച് ഗോളിന്റെ ജയമാണ് പിഎസ്ജി നേടിയത്. മല്‍സരത്തില്‍ സൂപ്പര്‍ താരം ലയണല്‍ മെസ്സി ഇരട്ട ഗോളും ഒരു അസിസ്റ്റും നേടിയിരുന്നു. നെയ്മറാവട്ടെ ഒരു ഗോളും മൂന്ന് ഗോളുകള്‍ക്ക് അസിസ്റ്റ് ഒരുക്കയും ചെയ്തു. ഹക്കീമി, മാര്‍ക്വിനോസ് എന്നിവരാണ് ശേഷിക്കുന്ന ഗോളുകള്‍ നേടിയത്. ഇതില്‍ മെസ്സി നേടിയ ബൈ സൈക്കിള്‍ കിക്കാണ് ഫുട്‌ബോള്‍ ലോകത്ത് തരംഗമായിരിക്കുന്നത്. പാരഡസിന്റെ അസിസ്റ്റില്‍ നിന്നും വന്ന പന്താണ് മെസ്സി ബൈസൈക്കിള്‍ കിക്കിലൂടെ ഗോളാക്കിയത്. പാരഡസ് നല്‍കിയ പന്ത് നെഞ്ചുകൊണ്ട് താരം വരുതിയിലാക്കുകയായിരുന്നു. തുടര്‍ന്നാണ് ആരാധകരുടെ മനം കവര്‍ന്ന ബൈസൈക്കിള്‍ കിക്ക്.

We're back!!! Leo Messi is the Greatest Football Player Of All Time!! WHAT A GOAL!!! ⚽. pic.twitter.com/bCYwZO6Anw

— Cryptualist✪ (@Mr_Denkz) August 6, 2022