ഇറ്റലിയില്‍ നപ്പോളിയുടെ തേരോട്ടം; ഏഴില്‍ ഏഴ് ജയം

റോം: ഇറ്റാലിയന്‍ സീരി എയില്‍ ഇത്തവണ നപ്പോളിയുടെ കുതിപ്പാണ് ഏവരെയും ഞെട്ടിക്കുന്നത്. ലീഗിലെ കഴിഞ്ഞ ഏഴ് മല്‍സരങ്ങളില്‍ ഏഴും ജയിച്ചാണ് ടീം മുന്നേറുന്നത്. ഇന്ന് നടന്ന മല്‍സരത്തില്‍ ഫിയൊറന്റീനയെ 2-1നാണ് നപ്പോളി പരാജയപ്പെടുത്തിയത്. ലൊസാനോ, ഇന്‍സിനെ എന്നിവരാണ് നപ്പോളിക്കായി സ്‌കോര്‍ ചെയ്തത്. ജയത്തോടെ അവര്‍ ഒന്നാം സ്ഥാനത്ത് തുടരുന്നു.

മറ്റൊരു മല്‍സരത്തില്‍ അറ്റലാന്റയെ 3-2ന് വീഴ്ത്തി എസി മിലാന്‍ രണ്ടാമത് നില്‍ക്കുന്നു. മൂന്നാം സ്ഥാനത്താണ് നിലവിലെ ചാംപ്യന്‍മാരായ ഇന്റര്‍മിലാന്‍. എതിരില്ലാത്ത രണ്ട് ഗോളിന് എംബോളിയെ വീഴ്ത്തി റോമ ലീഗില്‍ നാലാം സ്ഥാനത്തെത്തി. ലീഗില്‍ യുവന്റസ് ഏഴാം സ്ഥാനത്താണ്.