ലോകകപ്പ് യോഗ്യത; എട്ടടിച്ച് ബെല്‍ജിയം; ഏഴടിച്ച് ഹോളണ്ട്

ബുഡാപെസ്റ്റ്; ലോകകപ്പ് യോഗ്യതാ മല്‍സരങ്ങളില്‍ ബെല്‍ജിയത്തിനും ഹോളണ്ടിനും വന്‍ ജയം. ലോകറാങ്കിങില്‍ 88ാം സ്ഥാനത്തുള്ള ബെലാറസിനെ എതിരില്ലാത്ത എട്ട് ഗോളിനാണ് ബെല്‍ജിയം തകര്‍ത്തത്. ജയത്തോടെ ബെല്‍ജിയം ഗ്രൂപ്പ് ഇയില്‍ ഒന്നാമതെത്തി. ഗിബ്രാള്‍റ്ററിനെ എതിരില്ലാത്ത ഏഴ് ഗോളിനാണ് ഹോളണ്ട് തോല്‍പ്പിച്ചത്. ലക്‌സംബര്‍ഗിനെ 3-1ന് പോര്‍ച്ചുഗല്‍ തോല്‍പ്പിച്ചു. ഡിഗോ ജോട്ടാ, ക്രിസ്റ്റിയാനോ റൊണാള്‍ഡോ, ആല്‍വ്‌സ് എന്നിവര്‍ പോര്‍ച്ചുഗലിനായി സ്‌കോര്‍ ചെയ്തു. ചെക്ക് റിപ്പബ്ലിക്കിനെ വെയ്ല്‍സ് എതിരില്ലാത്ത ഒരു ഗോളിന് പരാജയപ്പെടുത്തി. കരുത്തരായ തുര്‍ക്കിയെ ലാത്വിയ 3-3 സമനിലയില്‍ പിടിച്ചു. മറ്റൊരു മല്‍സരത്തില്‍ മാള്‍ട്ടയെ എതിരില്ലാത്ത മൂന്ന് ഗോളിന് ക്രൊയേഷ്യ പരാജയപ്പെടുത്തി.