ലോകകപ്പ് യോഗ്യത; ബ്രസീല്‍ കുതിപ്പ് തുടരുന്നു; വെനിസ്വേലയും വീണു

സാവോപോളോ: ലോകകപ്പ് യോഗ്യതാ മല്‍സരങ്ങളിലെ അപരാജിത വിജയകുതിപ്പ് തുടര്‍ന്ന് ബ്രസീല്‍. ഇന്ന് വെനിസ്വേലയെ നേരിട്ട കാനറികള്‍ 3-1നാണ് ജയിച്ചത്. ഒരു ഗോളിന് പിന്നിട്ട നിന്ന ശേഷമാണ് മഞ്ഞപ്പടയുടെ തിരിച്ചുവരവ്. നെയ്മര്‍ ഇല്ലാതെ ഇറങ്ങിയ ബ്രസീല്‍ അവസരങ്ങള്‍ക്കായി അല്‍പ്പം ബുദ്ധിമുട്ടിയെങ്കിലും മികച്ച ജയവുമായി ലാറ്റിന്‍ അമേരിക്കയില്‍ മുന്നിട്ടു നില്‍ക്കുന്നു. മാര്‍ക്വിനോസ്, ഗബ്രിയേല്‍ ബര്‍ബോസ, ആന്റണി എന്നിവരാണ് ബ്രസീലിനായി സ്‌കോര്‍ ചെയ്തത്.