റിച്ചാര്‍ലിസണിന് ഹാട്രിക്ക്; ജര്‍മ്മനിയെ തകര്‍ത്ത് ബ്രസീല്‍

ടോക്കിയോ: ഒളിംപിക്‌സ് ഫുട്‌ബോള്‍ ആദ്യ റൗണ്ട് മല്‍സരങ്ങളില്‍ ബ്രസീല്‍ ജര്‍മ്മനിയെ തോല്‍പ്പിച്ചു. 4-2നാണ് കാനറികളുടെ ജയം. എവര്‍ട്ടണ്‍ സ്‌ട്രൈക്കര്‍ റിച്ചാര്‍ലിസണ്‍ മല്‍സരത്തില്‍ ഹാട്രിക്ക് നേടി. പൊലീഞ്ഞോയാണ് ബ്രസീലിന്റെ നാലാം ഗോള്‍ നേടിയത്. അമിരി, അചെ എന്നിവരാണ് ജര്‍മ്മനിക്കായി സ്‌കോര്‍ ചെയ്തത്. മറ്റ് മല്‍സരങ്ങളില്‍ ദക്ഷിണാഫ്രിക്കയെ ജപ്പാന്‍ ഏകപക്ഷീയമായ ഒരു ഗോളിന് തോല്‍പ്പിച്ചു. ദക്ഷിണ കൊറിയയെ ന്യൂസിലന്റ് ഒരു ഗോളിനും തോല്‍പ്പിച്ചു.