ഒളിംപിക്‌സ്; വെള്ളി ഉറപ്പ്; ഗുസ്തിയില്‍ രവി കുമാര്‍ ഫൈനലില്‍

ടോക്കിയോ: ഒളിംപിക്‌സില്‍ ഇന്ത്യയുടെ നാലാം മെഡല്‍ ഉറപ്പിച്ച് രവി കുമാര്‍ ദഹിയ്യ. ഗുസ്തിയില്‍ പുരുഷന്‍മാരുടെ 57 കിലോ ഫ്രീസ്റ്റൈല്‍ വിഭാഗത്തിലാണ് താരം വെള്ളി ഉറപ്പിച്ചത്. സെമിയില്‍ കസാഖിസ്ഥാന്റെ നൂറിസലാം സനായേവിനെ 7-9ന് തകര്‍ത്താണ് ജയം. വന്‍ ലീഡ് നേടിയ ശേഷമാണ് സനായേവ് തോല്‍വി നേരിട്ടത്. മറ്റൊരു പ്രതീക്ഷയായ ദീപക് പൂനിയ സെമിയില്‍ തോറ്റു. അമേരിക്കയുടെ ഡേവിഡ് മോറീസിനോടാണ് തോല്‍വി.സ്‌കോര്‍ 10-0. എന്നാല്‍ താരം വെങ്കലത്തിനായി ഏറ്റുമുട്ടും.

വെള്ളി ഉറപ്പാക്കിയതോടെ ഗുസ്തിയില്‍ ഒളിംപിക്‌സ് മെഡല്‍ കുറിക്കുന്ന അഞ്ചാമത്തെ ഇന്ത്യന്‍ താരമാണ് രവി. കെ ഡി ജാദവ്, സുശീല്‍ കുമാര്‍, യോഗേശ്വര്‍ ദത്ത്, സാക്ഷി മാലിക് എന്നിവരാണ് ഇതിന് മുമ്പ് മെഡല്‍ നേടിയവര്‍.