'ഇത് രാമരാജ്യം; ഇവിടെ ഒരു ഇറച്ചിക്കടയും കാണരുത്'; യുപിയില്‍ തിരഞ്ഞെടുപ്പ് വിജയത്തിന് പിന്നാലെ ബിജെപി എംഎല്‍എയുടെ ഭീഷണി (വീഡിയോ)

ലഖ്‌നൗ: യുപിയില്‍ ബിജെപി തുടര്‍ ഭരണം നേടിയതിന് പിന്നാലെ സാമുദായിക ധ്രുവീകരണം ലക്ഷ്യമിച്ച് വിദ്വേഷ പ്രസംഗങ്ങളുമായി ബിജെപി എംഎല്‍എ. ഗാസിയാബാദിലെ ലോനിയില്‍ നിന്നുള്ള ബിജെപി എംഎല്‍എ നന്ദകിഷോര്‍ ഗുര്‍ജാര്‍ ആണ് സംഘര്‍ഷം ലക്ഷ്യമിട്ടുള്ള പ്രസംഗത്തിന് തുടക്കമിട്ടിരിക്കുന്നത്.

This is from Loni, Ghaziabad, UP.

After BJP's electoral victory in Uttar Pradesh,BJP lawmaker Nandkishor Gurjar told authorities to shut down all meat shops in his area. pic.twitter.com/J4RBQ0LwEP

— HindutvaWatch (@HindutvaWatchIn) March 12, 2022

'അധികൃതര്‍ക്ക് ഞാന്‍ ഈ സന്ദേശം കൈമാറാന്‍ ആഗ്രഹിക്കുന്നു. പ്രദേശത്ത് ഒരു ഇറച്ചിക്കട പോലും കാണരുത്. ലോനിയില്‍ ഒരു ഇറച്ചിക്കട പോലും കാണരുത്. കാരണം ഇത് രാമരാജ്യമാണ്'. ബിജെപി എംഎല്‍എ പ്രസംഗിച്ചു. ജയ് ശ്രീരാം വിളികളോടെയാണ് വേദിയിലുള്ള നേതാക്കളും അണികളും എംഎല്‍എയുടെ പ്രസംഗത്തെ വരവേറ്റത്. ബിജെപി എംഎല്‍എയുടെ പ്രസംഗം സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.