കൂനൂര് ഹെലികോപ്റ്റര് ദുരന്തം: വിലാപ യാത്രയ്ക്കിടെ വാഹനാപകടം; രണ്ടു പേര്ക്ക് പരിക്ക്
ഊട്ടി ചുരമിറങ്ങുമ്പോഴാണ് അപകടമുണ്ടായത്. രണ്ട് പേര്ക്ക് പരിക്കേറ്റു.
![കൂനൂര് ഹെലികോപ്റ്റര് ദുരന്തം: വിലാപ യാത്രയ്ക്കിടെ വാഹനാപകടം; രണ്ടു പേര്ക്ക് പരിക്ക് കൂനൂര് ഹെലികോപ്റ്റര് ദുരന്തം: വിലാപ യാത്രയ്ക്കിടെ വാഹനാപകടം; രണ്ടു പേര്ക്ക് പരിക്ക്](https://www.thejasnews.com/h-upload/2021/12/09/174635-fgj95u5xoausr48.webp)
ചെന്നൈ: കൂനൂര് ഹെലികോപ്റ്റര് അപകടത്തില് കൊല്ലപ്പെട്ട ഇന്ത്യയുടെ സംയുക്ത സൈനിക മേധാവി ജനറല് ബിപിന് റാവത്ത് ഉള്പ്പടെയുള്ള 13 പേരുടെ മൃതദേഹങ്ങള് വഹിച്ച് കൊണ്ടുള്ള വിലാപയാത്ര കോയമ്പത്തൂര് സൂലൂരിലെ വ്യോമ താവളത്തിലേക്ക് പോവുന്നതിനിടെ അകമ്പടി വാഹനങ്ങളില് ഒന്ന് അപകടത്തില് പെട്ടു.
ഊട്ടി ചുരമിറങ്ങുമ്പോഴാണ് അപകടമുണ്ടായത്. രണ്ട് പേര്ക്ക് പരിക്കേറ്റു. വാഹനവ്യൂഹം യാത്ര തുടരുകയാണ്. വെല്ലിങ്ടണ് സൈനിക പരേഡ് ഗ്രൗണ്ടില് നിന്ന് റോഡ് മാര്ഗമാണ് യാത്ര. പരേഡ് ഗ്രൗണ്ടില് പൂര്ണ ബഹുമതികള് നല്കിയാണ് സൈനിക ഉദ്യോഗസ്ഥരെ യാത്രയാക്കിയത്. തമിഴ്നാട് മുഖ്യമന്ത്രി എം കെ സ്റ്റാലിന്, വ്യോമസേന മേധാവി വി ആര് ചൗധരി, തമിഴ്നാട് മന്ത്രിസഭയിലെ അംഗങ്ങള്, ഗവര്ണര് തുടങ്ങിയവര് അന്തിമോപചാരം അര്പ്പിച്ചു.
വൈകിട്ടോടെ സുലൂരിലെ വ്യോമ താവളത്തിലെത്തുന്ന മൃതദേഹങ്ങള് പ്രത്യേക വിമാനത്തില് ഡല്ഹിയിലേക്ക് കൊണ്ടു പോവും. ഊട്ടിയിലെ വെല്ലിംങ്ങ്ടണ് ആശുപത്രി മോര്ച്ചറിയില് സൂക്ഷിച്ച മൃതദേഹങ്ങള് ഇന്ന് രാവിലെ സൈനികവ്യൂഹത്തിന്റെ അകമ്പടിയോടെയാണ് വെല്ലിംങ്ടണിലെ പരേഡ് ഗ്രൗണ്ടില് എത്തിച്ചത്. പട്ടാള വണ്ടിയില് ഒരുമിച്ചാണ് ജനറല് ബിപിന് റാവത്തിന്റേയും പത്നി മധുലിക റാവത്തിന്റേയും മൃതദേഹങ്ങള് എത്തിച്ചത്. പിന്നാലെ മറ്റു സൈനിക ഉദ്യോഗസ്ഥരുടെ മൃതദേഹങ്ങളും സൈനികതാവളത്തിലേക്ക് എത്തിച്ചു. ബിപിന് റാവത്തടക്കം 14 പേര് സഞ്ചരിച്ച വ്യോമസേനാ ഹെലികോപ്ടര് ബുധനാഴ്ച ഉച്ചയോടെയാണ് തമിഴ്നാട്ടിലെ കൂനൂരിന് സമീപം അപകടത്തില്പെട്ടത്.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT