വ്യാജ വനിതാ എസ്‌ഐ പിടിയില്‍; ബ്യൂട്ടി പാര്‍ലറില്‍ പണം നല്‍കാതെ മുങ്ങിയെന്ന പരാതിയിലാണ് അറസ്റ്റ്

നാഗര്‍കോവില്‍: ചെന്നൈയിലെ ക്രൈംബ്രാഞ്ച് എസ്‌ഐ എന്ന വ്യാജേന പോലിസ് യൂണിഫോമിട്ട് കറങ്ങി നടന്ന യുവതി പിടിയില്‍. തേനി പെരിയകുളം സ്വദേശി അഭിപ്രിയ (34) ആണ് അറസ്റ്റിലായത്. പാര്‍വതിപുരം സ്വദേശി വെങ്കിടേഷ് എന്നയാളുടെ പരാതിയിലാണ് ഇവരെ അറസ്റ്റ് ചെയ്തതെന്ന് വടശ്ശേരി പോലീസ് അറിയിച്ചു.

നാഗര്‍കോവില്‍ വനിതാ കോളജിന്റെ സമീപത്തുവെച്ചാണ് 'പോലിസുകാരിയെ' പരിചയപ്പെട്ടതെന്ന് വെങ്കിടേശിന്റെ പരാതി പറയുന്നു. തുടര്‍ന്ന് വെങ്കിടേഷിന്റെ ഭാര്യയുടെ ബ്യൂട്ടി പാര്‍ലറില്‍ എത്തിയ ഇവര്‍ മുഖം ഫേഷ്യല്‍ചെയ്തശേഷം പണം കടംപറഞ്ഞ് പോയി. സംശയംതോന്നിയ വെങ്കിടേഷ് വടശ്ശേരി പോലീസിനെ വിവരമറിയിക്കുകയായിരുന്നു.