സ്വര്‍ണവിലയില്‍ നേരിയ ഇടിവ്; ഗ്രാമിന് 25 രൂപ കുറഞ്ഞു

കൊച്ചി: സംസ്ഥാനത്ത് സ്വര്‍ണവിലയില്‍ നേരിയ ഇടിവ്. ഗ്രാമിന് ഇന്ന് 25 രൂപ കുറഞ്ഞ് വില 7,095 രൂപയായി. ഇതോടെ പവന്‍ വില 56,760 രൂപയായി. ലൈറ്റ് വെയ്റ്റ് സ്വര്‍ണാഭരണങ്ങള്‍ നിര്‍മിക്കാനും വജ്രം ഉള്‍പ്പെടെയുള്ള കല്ലുകള്‍ പതിപ്പിച്ച ആഭരണങ്ങള്‍ നിര്‍മിക്കാനും ഉപയോഗിക്കുന്ന 18 കാരറ്റ് സ്വര്‍ണവില ഇന്ന് ഗ്രാമിന് 20 രൂപ കുറഞ്ഞ് 5,865 രൂപയായി. വെള്ളി വിലയില്‍ ഇന്നും മാറ്റമില്ല; ഗ്രാമിന് 98 രൂപ.