നിപ ബാധ: യുവാവിന്റെ നില മെച്ചപ്പെട്ടതായി ആശുപത്രി അധികൃതര്‍

കൊച്ചി: കളമശ്ശേരി മെഡിക്കല്‍ കോളജില്‍ ചികില്‍സയില്‍ കഴിയുന്ന നിപ ബാധിച്ച യുവാവിന്റെ സ്ഥിതി മെച്ചപ്പെട്ടുവെന്നു ആശുപത്രി അധികൃതര്‍ അറിയിച്ചു. ഇടക്കിടെ ചെറിയ പനിയുണ്ടെങ്കിലും യുവാവ് നന്നായി ഭക്ഷണം കഴിക്കുന്നുവെന്നും മാതാവിനോടു സംസാരിച്ചെന്നും മെഡിക്കല്‍ ബുള്ളറ്റിനില്‍ പറയുന്നു.

പനി ബാധിച്ച് എറണാകുളം ഗവ. മെഡിക്കല്‍ കോളജിില്‍ പ്രവേശിപ്പിച്ച ഏഴാമത്തെയാള്‍ക്കും നിപയില്ലെന്ന് കഴിഞ്ഞ ദിവസം സ്ഥിരീകരിച്ചിരുന്നു. ഇതോടെ നിപ ബാധ പൂര്‍ണമായും നിയന്ത്രണവിധേയമായതായി അധികൃതര്‍ അറിയിച്ചു.

അതേസമയം ഐഎംഎയുടെ സഹകരണത്തോടെ ആശുപത്രിയിലെ ഡോക്ടര്‍മാര്‍ക്കും ജീവനക്കാര്‍ക്കും കഴിഞ്ഞ ദിവസം പരിശീലനം നല്‍കി.