കളമശ്ശേരി ബോംബ് സ്‌ഫോടന പരമ്പര: മുഖ്യമന്ത്രിയും മന്ത്രിമാരും സ്ഥലം സന്ദര്‍ശിച്ചു

കൊച്ചി: കളമശ്ശേരിയില്‍ യഹോവയുടെ സാക്ഷികളുടെ കണ്‍വന്‍ഷന് നടക്കുന്നതിനിടെ ബോംബ് സ്‌ഫോടനം നടന്ന സ്ഥലം മുഖ്യമന്ത്രി പിണറായി വിജയന്‍ സന്ദര്‍ശിച്ചു. രാവിലെ നടന്ന സര്‍വകക്ഷി യോഗത്തിന് ശേഷം കളമശ്ശരിയിലെത്തിയ മുഖ്യമന്ത്രി അപകടം നടന്ന സംറ കണവന്‍ഷന്‍ സെന്ററാണ് ആദ്യം സന്ദര്‍ശിച്ചത്. തുടര്‍ന്ന് മുഖ്യമന്ത്രി കളമശ്ശേരി മെഡിക്കല്‍ കോളജിലെത്തി പരിക്കേറ്റവരെ കണ്ടു. ഡിജിപി അടക്കമുള്ള ഉന്നതോദ്യോഗസ്ഥരും സിപിഎം സംസ്ഥാന സെക്രട്ടറി എം വി ഗോവിന്ദന്‍, മന്ത്രിമാരായ കെ രാജന്‍, റോഷി അഗസ്റ്റിന്‍, വീണാ ജോര്‍ജ്, പി രാജീവ് തുടങ്ങിയവരും മുഖ്യമന്ത്രിക്കൊപ്പമുണ്ടായിരുന്നു.