Sub Lead

''കണ്ണൂരിലെ ഏരിയ സെക്രട്ടറിമാരില്‍ ഒരു സ്ത്രീപോലും ഇല്ല'' എം വി ഗോവിന്ദന് മറുപടിയുമായി കാന്തപുരം

കണ്ണൂരിലെ ഏരിയ സെക്രട്ടറിമാരില്‍ ഒരു സ്ത്രീപോലും ഇല്ല എം വി ഗോവിന്ദന് മറുപടിയുമായി കാന്തപുരം
X

ആലപ്പുഴ: സിപിഎം സംസ്ഥാന സെക്രട്ടറി എം വി ഗോവിന്ദന് ചുട്ടമറുപടി നല്‍കി കാന്തപുരം എ പി അബൂബക്കര്‍ മുസ്‌ലിയാര്‍. പൊതുവിടങ്ങളിലേക്ക് സ്ത്രീകളിറങ്ങരുത് എന്നത് പിന്തിരിപ്പന്‍ നിലപാടാണെന്ന് പറയുന്ന സിപിഎമ്മിന്റെ കണ്ണൂര്‍ ജില്ലയിലെ 18 ഏരിയ സെക്രട്ടറിമാരില്‍ ഒരാള്‍ പോലും സ്ത്രീകള്‍ അല്ലാത്തത് എന്തുകൊണ്ടാണെന്ന് കാന്തപുരം ചോദിച്ചു.

''മത നിയമങ്ങള്‍ പറയുമ്പോള്‍ പണ്ഡിതന്മാരുടെ മേല്‍ കുതിര കയറാന്‍ വരേണ്ട. ഇസ്‌ലാമിന്റെ നിയമങ്ങള്‍ പണ്ഡിതന്‍മാര്‍ പറയും. മറ്റുള്ള മതക്കാര്‍ ഇസ്‌ലാമിന്റെ കാര്യത്തില്‍ അഭിപ്രായം പറയണ്ട. ഇന്നലെ ഒരാള്‍ അഭിപ്രായം പറയുന്നത് കേട്ടു. ഞാന്‍ പത്രമെടുത്ത് നോക്കിയപ്പോള്‍ അയാള്‍ ജീവിക്കുന്ന ജില്ലയില്‍ അയാളുടെ പാര്‍ട്ടിയിലെ ഏരിയ സെക്രട്ടറിമാര്‍ പതിനെട്ടും പുരുഷന്‍മാരാണ്. ഒരു സ്ത്രീ പോലും ഇല്ല. എന്താണ് അവിടെ സ്ത്രീകളെ പരിഗണിക്കാതിരുന്നത്. ഞങ്ങള്‍ ഇസ്‌ലാമിന്റെ വിധി പറയുന്നത് മുസ്‌ലിംകളോടാണ്''-ആലപ്പുഴയില്‍ സുന്നി സമ്മേളനത്തില്‍ കാന്തപുരം പറഞ്ഞു.

മെക് സെവന്‍ വ്യായാമക്കൂട്ടായ്മയില്‍ സ്ത്രീകളും പുരുഷന്‍മാരും പങ്കെടുക്കുന്നതിനെ കുറിച്ച് കാന്തപുരം നടത്തിയ പ്രസ്താവനയേയാണ് എം വി ഗോവിന്ദന്‍ നേരത്തെ പരോക്ഷമായി വിമര്‍ശിച്ചത്. പൊതുവിടങ്ങളിലേക്ക് സ്ത്രീകളിറങ്ങരുത് എന്നത് പിന്തിരിപ്പന്‍ നിലപാടാണെന്നാണ് സിപിഎം പാലക്കാട് ജില്ലാ സമ്മേളത്തില്‍ പങ്കെടുത്ത് ഗോവിന്ദന്‍ പറഞ്ഞിരുന്നത്.

Next Story

RELATED STORIES

Share it