കോണ്‍ഗ്രസ് പിന്തുണയോടെ ബിജെപി നേതാവ് നിമ ബെന്‍ ആചാര്യ ഗുജറാത്ത് നിയമസഭാ സ്പീക്കര്‍

ഗാന്ധിനഗര്‍: കോണ്‍ഗ്രസ് പിന്തുണയോടെ ബിജെപി നേതാവ് നിമ ബെന്‍ ആചാര്യ ഗുജറാത്ത് നിയമസഭാ സ്പീക്കറായി തിരഞ്ഞെടുക്കപ്പെട്ടു. ഇതോടെ സംസ്ഥാനത്തെ ആദ്യവനിതാ സ്പീക്കറായി നിമബെന്‍.കോണ്‍ഗ്രസും പിന്തുണച്ചതോടെ എതിരില്ലാതെയാണ് നിമാ ബെന്‍ തിരഞ്ഞെടുക്കപ്പെട്ടത്.

ഗുജറാത്ത് മുഖ്യമന്ത്രി ഭൂപേന്ദ്ര പട്ടേലാണ് സ്പീക്കര്‍ സ്ഥാനത്തേക്ക് പേര് നിര്‍ദേശിച്ചത്. 182 അംഗങ്ങില്‍ 65 എംഎല്‍എ മാരുള്ള കോണ്‍ഗ്രസ് ഈ തീരുമാനം അംഗീകരിച്ച് പിന്തുണയ്ക്കുകയായിരുന്നു.

1960ല്‍ ഗുജറാത്ത് സംസ്ഥാനം രൂപീകൃതമായതിന് പിന്നാലെ ആദ്യമായാണ് ഒരു വനിത സ്പീക്കര്‍ ഈ പദവിയിലെത്തുന്നത്. മുഴുവന്‍ അംഗങ്ങളുടെ പേരില്‍ അഭിനന്ദിക്കുന്നതായി മുഖ്യമന്ത്രി പറഞ്ഞു. തന്റെ കഴിവിന്റെ പരമാവധി ഉത്തരവാദിത്വത്തോടെ വിനിയോഗിക്കുമെന്ന് സ്പീക്കര്‍ പറഞ്ഞു.