നിപ: ആറു പേരുടെ പരിശോധനാ ഫലം കൂടി നെഗറ്റീവ്
മലപ്പുറം: നിപ രോഗബാധയുമായി ബന്ധപ്പെട്ട് ഇന്ന് (സപ്റ്റംബര് 21) പുറത്തുവന്ന ആറു പേരുടെ സ്രവ പരിശോധനാ ഫലം കൂടി നെഗറ്റീവായതായി മന്ത്രി വീണാ ജോര്ജ് അറിയിച്ചു. ഇതുവരെ 74 പരിശോധനാ ഫലങ്ങളാണ് നെഗറ്റീവായത്. ഇന്ന് പുതുതായി ആരെയും സമ്പര്ക്ക പട്ടികയില് ഉള്പ്പെടുത്തിയിട്ടില്ല. നിലവില് സമ്പര്ക്കപ്പട്ടികയില് 267 പേരാണ് ഉള്പ്പെട്ടിട്ടുള്ളത്. ഇതില് 81 പേര് ആരോഗ്യ പ്രവര്ത്തകരാണ്. 177 പേര് പ്രൈമറി കോണ്ടാക്റ്റ് പട്ടികയിലും 90 പേര് സെക്കന്ററി കോണ്ടാക്റ്റ് പട്ടികയിലുമാണ്. പ്രൈമറി പട്ടികയിലുള്ള 134 പേരാണ് ഹൈറിസ്ക് കാറ്റഗറിയിലുള്ളത്. രോഗലക്ഷണങ്ങളുമായി രണ്ടുപേര് ഇന്ന് മഞ്ചേരി മെഡിക്കല് കോളജ് ആശുപത്രിയില് അഡ്മിറ്റായിട്ടുണ്ട്. ഇവര് അടക്കം നാലുപേര് മഞ്ചേരി മെഡിക്കല് കോളജ് ആശുപത്രിയിലും 28 പേര് പെരിന്തല്മണ്ണ എംഇഎസ് മെഡിക്കല് കോളജ് ആശുപത്രിയിലും അഡ്മിറ്റായി ചികില്സ തുടരുന്നുണ്ട്. സമ്പര്ക്കപ്പട്ടികയില് ഉള്പ്പെട്ടവര്ക്ക് മികച്ച മാനസിക പിന്തുണയാണ് നല്കിവരുന്നത്. ഇന്ന് ആറു പേര്ക്ക് ഉള്പ്പെടെ 274 പേര്ക്ക് കോള് സെന്റര് വഴി മാനസിക പിന്തുണ നല്കി. വൈകീട്ട് മന്ത്രി വീണാ ജോര്ജിന്റെ അധ്യക്ഷതയില് ചേര്ന്ന അവലോകന യോഗത്തില് ജില്ലാ കലക്ടര് വി ആര് വിനോദ്, ആരോഗ്യ വകുപ്പ് ഡയറക്ടര് ഡോ. കെ ജെ റീന, ആരോഗ്യ വകുപ്പ് അഡീഷനല് ഡയറക്ടര്മാര്, ജില്ലാ മെഡിക്കല് ഓഫിസര് ഡോ. ആര് രേണുക, ബന്ധപ്പെട്ട ഉദ്യോഗസ്ഥര് പങ്കെടുത്തു.
Nipah: Test results of six more people are negative
RELATED STORIES
നിര്ഭയ പോരാളികളുടെ നീതിക്കു വേണ്ടി ശബ്ദമുയരട്ടെ|thejasnews
21 Sep 2024 2:14 PM GMTഗസയില് അഭയാര്ത്ഥികള് കഴിയുന്ന സ്കൂളിന് നേരെ ഇസ്രായേല്...
21 Sep 2024 2:13 PM GMTനിപ: ആറു പേരുടെ പരിശോധനാ ഫലം കൂടി നെഗറ്റീവ്
21 Sep 2024 2:11 PM GMTപിണറായി-പോലിസ്-ആര്എസ്എസ് കൂട്ടുകെട്ട് കേരളത്തെ തകര്ക്കുന്നു;...
21 Sep 2024 2:06 PM GMTലെബനന് പേജര് സ്ഫോടനം; പേജര് നിര്മിച്ചത് ക്രിസ്റ്റ്യാനയോ?;...
21 Sep 2024 2:03 PM GMTമുഖ്യമന്ത്രി തള്ളിപ്പറഞ്ഞാല് ഉരുകില്ല; ഇഎംഎസും പണ്ട്...
21 Sep 2024 1:15 PM GMT