ക്ഷേത്രത്തില്‍ കയറുന്നതിന് മുമ്പ് പുരുഷന്‍മാര്‍ മേല്‍വസ്ത്രം ഉരിയുന്നത് ദുരാചാരം: സ്വാമി സച്ചിദാനന്ദ

ശിവഗിരി: ക്ഷേത്രത്തില്‍ കയറുന്നതിന് മുമ്പ് പുരുഷന്‍മാര്‍ മേല്‍വസ്ത്രം ഉരിയുന്നത് ദുരാചാരമാണെന്ന് ശ്രീനാരായണ ധര്‍മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ. ശിവഗിരി തീര്‍ഥാടനത്തിന്റെ ഭാഗമായി നടന്ന പരിപാടിയിലാണ് സ്വാമി സച്ചിദാനന്ദ ഈ പരാമര്‍ശം നടത്തിയത്.

''അതൊരു ദുരാചാരമാണ്. മുന്‍കാലങ്ങളില്‍, പുനൂല്‍ (ഉയര്‍ന്ന ജാതിക്കാര്‍ ധരിക്കുന്ന ഒരു നൂല്‍) കാണാന്‍ കഴിയുമെന്ന് ഉറപ്പാക്കാന്‍ ഈ രീതി ആരംഭിച്ചിരുന്നു. ആ ആചാരം ഇപ്പോഴും ക്ഷേത്രങ്ങളില്‍ തുടരുന്നു. ആ രീതി മാറണമെന്നാണ് ശ്രീനാരായണ സമൂഹം ആഗ്രഹിക്കുന്നത്. ഇതൊരു ദുരാചാരമാണെന്നതില്‍ സംശയമില്ല. ശ്രീനാരായണ ക്ഷേത്രങ്ങളില്‍ ഈ ആചാരം നിലവിലില്ല. ഇക്കാര്യത്തില്‍ കാലോചിതമായ മാറ്റം ആവശ്യമാണ്.''-സ്വാമി സച്ചിദാനന്ദ പറഞ്ഞു.

ചടങ്ങില്‍ പങ്കെടുത്ത മുഖ്യമന്ത്രി പിണറായി വിജയന്‍ സ്വാമിയുടെ അഭിപ്രായങ്ങളോട് യോജിച്ചു. '' സ്വാമി ഒരു സന്ദേശം സൂചിപ്പിച്ചു, അത് ഒരു വലിയ സാമൂഹിക ഇടപെടലായി മാറും. ഗുരുവിന്റെ മഹത്തായ പാരമ്പര്യം ഉയര്‍ത്തിപ്പിടിക്കുന്ന നിര്‍ദ്ദേശമാണ് സ്വാമി മുന്നോട്ട് വെച്ചിരിക്കുന്നത്. പല ആരാധനാലയങ്ങളും ഇത് പിന്തുടരുമെന്ന് എനിക്ക് ഉറപ്പുണ്ട്. ആരെയും നിര്‍ബന്ധിക്കേണ്ട കാര്യമില്ല. കാലത്തിനനുസരിച്ച് പല ആചാരങ്ങളും മാറിയിട്ടുണ്ട് എന്നത് ഒരു വസ്തുതയാണ്. ശ്രീനാരായണ പ്രസ്ഥാനവുമായി ബന്ധപ്പെട്ട ക്ഷേത്രങ്ങള്‍ ആ മാറ്റം സ്വീകരിച്ചു. മറ്റ് ആരാധനാലയങ്ങളും ആ മാറ്റം പിന്തുടരുമെന്ന് ഞാന്‍ പ്രതീക്ഷിക്കുന്നു.''- പിണറായി പറഞ്ഞു.