പര്‍വേസ് മുഷാറഫിന്റെ മരണ വാര്‍ത്ത നിഷേധിച്ച് കുടുംബം

ന്യൂഡല്‍ഹി: മുന്‍ പാകിസ്താന്‍ പ്രസിഡന്റും സൈനിക തലവനുമായിരുന്ന ജനറല്‍ പര്‍വേസ് മുഷാറഫിന്റെ മരണ വാര്‍ത്ത നിഷേധിച്ച് കുടുംബം. എന്നാല്‍ അദ്ദേഹം അത്യാസന്ന നിലയിലാണെന്ന് കുടുംബം വ്യക്തമാക്കി. പര്‍വേസ് മുഷാറഫിന്റെ ഔദ്യോഗിക ട്വിറ്റര്‍ ഹാന്റിലിലാണ് കുടുംബം മരണ വാര്‍ത്തയിലുള്ള പ്രതികരണം അറിയിച്ചത്.

Message from Family:

He is not on the ventilator. Has been hospitalized for the last 3 weeks due to a complication of his ailment (Amyloidosis). Going through a difficult stage where recovery is not possible and organs are malfunctioning. Pray for ease in his daily living. pic.twitter.com/xuFIdhFOnc

— Pervez Musharraf (@P_Musharraf) June 10, 2022

'അദ്ദേഹം (ജനറല്‍ പര്‍വേസ് മുഷാറഫ്) വെന്റിലേറ്ററിലല്ല ഉള്ളത്. അമിലോയ്‌ഡോസിസ് എന്ന രോഗത്തെ തുടര്‍ന്ന് കഴിഞ്ഞ മൂന്നാഴ്ചയായി അദ്ദേഹം ആശുപത്രിയില്‍ ചികിത്സയിലാണ്. അവയവങ്ങള്‍ കാര്യക്ഷമമായി പ്രവര്‍ത്തിക്കാത്തതിനാല്‍ രോഗം ഭേദമാകുമെന്ന പ്രതീക്ഷയില്ല. അതീവ സങ്കീര്‍ണമായ സാഹചര്യത്തിലൂടെയാണ് കടന്നുപോകുന്നത്. അദ്ദേഹത്തിന്റെ ജീവന് വേണ്ടി പ്രാര്‍ത്ഥിക്കണം' എന്നാണ് കുടുംബം അറിയിച്ചിരിക്കുന്നത്.