മദ്യപിച്ചെത്തി മര്‍ദിച്ച ഭര്‍ത്താവിനെ ഷാള്‍ മുറുക്കി കൊന്ന സംഭവം: ഭാര്യ റിമാന്റില്‍

കൊല്ലം: മദ്യപിച്ച് വീട്ടിലെത്തി മര്‍ദിച്ച ഭര്‍ത്താവിനെ ഭാര്യ ഷാള്‍ മുറുക്കി കൊലപ്പെടുത്തിയ ഭാര്യയെ കോടതി 14 ദിവസത്തേക്ക് റിമാന്റ് ചെയ്തു. കൊല്ലത്ത് 42 കാരനെ കൊലപ്പെടുത്തിയ കേസില്‍ അറസ്റ്റിലായ ഭാര്യയെയാണ് പോലിസ് കോടതിയില്‍ ഹാജറാക്കി റിമാന്റ് ചെയ്യ്തത്. കൊല്ലം പട്ടാഴിയി കടുവാത്തോട് സെയ്ദലി മന്‍സിലില്‍ സാബുവെന്ന ഷാജഹാനാണ് കൊല്ലപ്പെട്ടത്. ഷാജഹാന്‍ മദ്യപിച്ചെത്തി വീട്ടില്‍ വഴക്കുണ്ടാക്കുന്നത് പതിവായിരുന്നു. കഴിഞ്ഞ ദിവസം മദ്യപിച്ച് എത്തിയ ഷാജഹാന്‍, ഭാര്യ നിസയെ മര്‍ദിച്ചു. പിടിവലിക്കിടെ നിസ ഷാജഹാന്റഎ കഴുത്തില്‍ ഷാള്‍ മുറുക്കിയതോടെ ഷാജഹാന്‍ അബോധവസ്ഥയിലായി. നിസയുടെ പിതാവും സഹോദരനും ചേര്‍ന്ന് അടൂര്‍ താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചു. കഴുത്തില്‍ പാടുകള്‍ കണ്ട സംശയത്തെ തുടര്‍ന്ന് ആശുപത്രി അധികൃതര്‍ പോലിസില്‍ വിവരം അറിയിക്കുകയായിരുന്നു. നിസയെ കസ്റ്റഡിയില്‍ എടുത്ത് ചോദ്യം ചെയ്തതോടെയാണ് സംഭവം പുറത്തറിഞ്ഞത്. പ്രതി കുറ്റം സമ്മതിച്ചു. പാരിപ്പളളി മെഡിക്കല്‍ കോളേജിലെ പോസ്റ്റ്‌മോര്‍ട്ടത്തിന് ശേഷം മ്യതദേഹം ബന്ധുക്കള്‍ക്ക് വിട്ട് നല്‍കി.