'സുബൈറിന് ജാമ്യം ലഭിച്ചു; ഓര്‍ക്കുക, സിദ്ദീഖ് കാപ്പന്‍ ഉള്‍പ്പടെ നൂറുകണക്കിന് മാധ്യമ പ്രവര്‍ത്തകര്‍ ജയിലിലാണ്': റാണാ അയ്യൂബ്

ന്യൂഡല്‍ഹി: സിദ്ദീഖ് കാപ്പന്‍ ഉള്‍പ്പടെ നൂറുകണക്കിന് മാധ്യമ പ്രവര്‍ത്തകര്‍ ജാമ്യം പോലും ലഭിക്കാതെ മാസങ്ങളായി വിവിധ ജയിലുകളില്‍ കഴിയുകയാണെന്ന് ഓര്‍മിപ്പിച്ച് മാധ്യമ പ്രവര്‍ത്തക റാണാ അയ്യൂബ്. പ്രമുഖ 'ഫാക്ട് ചെക്കര്‍' സുബൈറിന് ജാമ്യം ലഭിച്ച സാഹചര്യത്തിലാണ് റാണാ അയ്യൂബിന്റെ ട്വീറ്റ്. ഇന്ത്യയിലെ മാധ്യമ പ്രവര്‍ത്തകര്‍ നേരിടുന്ന ഭരണകൂട ഭീകരതയെ കുറിച്ച് 'സിഎന്‍എന്‍' അഭിമുഖം പങ്കുവച്ച് കൊണ്ടായിരുന്നു റാണാ അയ്യൂബിന്റെ ട്വീറ്റ്. 'സുബൈര്‍ ജാമ്യത്തിലാണ്. എന്നാല്‍ സിദ്ദിഖ് കാപ്പന്‍, രൂപേഷ് കുമാര്‍ സിംഗ്, ആസിഫ് സുല്‍ത്താന്‍, ഫഹദ് ഷാ തുടങ്ങി നൂറുകണക്കിന് ഇന്ത്യന്‍ മാധ്യമപ്രവര്‍ത്തകര്‍ ഇപ്പോഴും ജയിലില്‍ കഴിയുന്നുണ്ടെന്ന് ദയവായി ഓര്‍ക്കുക. കശ്മീരിലെ സ്വതന്ത്ര മാധ്യമപ്രവര്‍ത്തകര്‍ വേട്ടയാടപ്പെടുന്നു'. റാണാ അയ്യൂബ് ട്വീറ്റ് ചെയ്തു.

Zubair is out on bail. But please remember that Siddique Kappan, Rupesh Kumar Singh, Asif Sultan, Fahad Shah and hundreds of Indian journalists continue to be in jail. Independent journalists in Kashmir are being hounded. With @hari on CNN herehttps://t.co/dD6RGhgC32

— Rana Ayyub (@RanaAyyub) July 21, 2022