ബ്രിജ്ഭൂഷണെതിരെ പരാതി നല്‍കിയ പെണ്‍കുട്ടി മൊഴി മാറ്റി

ഡല്‍ഹി: ഗുസ്തി ഫെഡറേഷന്‍ അധ്യക്ഷനും ബിജെപി എംപിയുമായ ബ്രിജ്ഭൂഷണെതിരെ പരാതി നല്‍കിയ പെണ്‍കുട്ടി മൊഴിമാറ്റിയെന്ന് റിപ്പോര്‍ട്ട്. ലൈംഗിക അതിക്രമം നടത്തിയെന്ന് പരാതി നല്‍കിയ പ്രായപൂര്‍ത്തിയാകാത്ത പെണ്‍കുട്ടിയാണ് മൊഴി തിരുത്തിയത്. മജിസ്‌ട്രേട്ടിനു മുന്നില്‍ പുതിയ മൊഴി രേഖപ്പെടുത്തി. ഈ മൊഴി പൊലീസ് കോടതിക്ക് കൈമാറും. ഇതില്‍ ഏതു മൊഴി സ്വീകരിക്കണമെന്ന് കോടതി തീരുമാനിക്കും.

അതിനിടെ ഡല്‍ഹി പൊലീസ് ബ്രിജ്ഭൂഷണിന്റെ വീട്ടിലെത്തി. ഔദ്യോഗിക വസതിയിലെത്തിയ പൊലീസ് 12 ജീവനക്കാരുടെ മൊഴിയെടുത്തു. ഗോണ്ടയിലെ ഔദ്യോഗിക വസതിയിലാണ് പൊലീസെത്തിയത്. ചോദ്യം ചെയ്യല്‍ പുരോഗമിക്കുകയാണ്.