വി വി പ്രകാശ് മതേതര ചേരിക്ക് വലിയ മുതല്‍ക്കൂട്ടായിരുന്നു: സി പി എ ലത്തീഫ്
മലപ്പുറം: ഡിസിസി പ്രസിഡന്റ് അഡ്വ.വി വി പ്രകാശിന്റെ അകാലവിയോഗത്തില്‍ അങ്ങയറ്റം ദു:ഖം രേഖപ്പെടുത്തുന്നതായി എസ്ഡിപിഐ മലപ്പുറം ജില്ലാ പ്രസിഡന്റ് സി പി എ ലത്തീഫ്. ജില്ലയിലെ പൊതുപ്രവര്‍ത്തനരംഗത്ത് നിറസാന്നിധ്യമായിരുന്ന വി വി പ്രകാശ് മതേതരചേരിക്ക് വലിയ മുതല്‍കൂട്ടായിരുന്നു.
ജില്ലയിലെ കോണ്‍ഗ്രസ് പാര്‍ട്ടിയുടെ അമരക്കാരന്റെ വിയോഗത്തിലൂടെ പാര്‍ട്ടിക്കും അദ്ദേഹത്തിന്റെ കുടുംബത്തിനുമുണ്ടായ അഗാധമായ ദു:ഖത്തില്‍ പങ്കുചേരുന്നതായി സി പി എ ലത്തീഫ് അനുശോചന സന്ദേശത്തില്‍ പറഞ്ഞു.