കല്‍പ്പറ്റ: വയനാട് ജില്ലയില്‍ ഇന്ന് 61 പേര്‍ക്ക് കൂടി കൊവിഡ് സ്ഥിരീകരിച്ചു. 115 പേര്‍ രോഗമുക്തി നേടി. എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 167713 ആയി. 166196 പേര്‍ രോഗമുക്തരായി.
നിലവില്‍ 522 പേര്‍ ചികില്‍സയിലുണ്ട്. ഇവരില്‍ 485 പേര്‍ വീടുകളി ലാണ് ഐസൊലേഷനില്‍ കഴിയുന്നത്. 934 കൊവിഡ് മരണം ജില്ലയില്‍ ഇതുവരെ സ്ഥിരീകരിച്ചു. പുതുതായി നിരീക്ഷണത്തിലായ 79 പേര്‍ ഉള്‍പ്പെടെ ആകെ 522 പേര്‍ നിലവില്‍ നിരീക്ഷണത്തിലുണ്ട്. ജില്ലയില്‍ നിന്ന് 215 സംപിളുകള്‍ ഇന്ന് പരിശോധനയ്ക്ക് അയച്ചു.