മാളഃ ഐഎന്‍എല്‍ കൊടുങ്ങല്ലൂര്‍ മണ്ഡലം കമ്മിറ്റി രൂപീകരിച്ചു. രൂപീകരണയോഗം ജില്ലാ പ്രസിഡന്റ് മുഹമ്മദ് ചാമക്കാല ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി ബഫീക്ക് ബക്കര്‍ അദ്ധ്യക്ഷത വഹിച്ചു. റാഫി പണിക്കശ്ശേരി, താജുദ്ദീന്‍ ഹാജി, ജെയിന്‍ ജോസഫ്, സാലി സജീര്‍ കരിങ്ങോള്‍ച്ചിറ, അബ്ദുല്‍ മാലിക്ക് ചമ്മിണി, റഷീദ് ചളിങ്ങാട് തുടങ്ങിയവര്‍ സംസാരിച്ചു. ഭാരവാഹികളായി ജോസ് കുരിശിങ്കല്‍ (പ്രസിഡന്റ്), മുഹ്‌സിന്‍ റാഫി, ഒമര്‍ ഹാഫിസ് (വൈസ് പ്രസിഡന്റുമാര്‍), റിയാസ് മാള (ജന. സെക്രട്ടറി), റോയ് ഇടശ്ശേരി (ജോ. സെക്രട്ടറി), നൗഷാദ് താനത്ത് പറമ്പില്‍ (ട്രഷറര്‍) തുടങ്ങിയവരെ തെരഞ്ഞെടുത്തു. റിയാസ് മാള സ്വാഗതവും മുഹ്‌സിന്‍ റാഫി നന്ദിയും പറഞ്ഞു.