കല്‍പ്പറ്റ: മാനന്തവാടി കാരയ്ക്കാമല സദേശി ഗോവയില്‍ വാഹനാപകടത്തില്‍ മരിച്ചു. കാരക്കാമല കപ്പിയാരുമലയില്‍ കെ വി തോമസിന്റെ മകന്‍ അലോയിസ് (21) ആണ് മരിച്ചത്. ലോറി ഡ്രൈവറാണ് അലോയിസ്. ഗോവയില്‍ പഞ്ചിമില്‍ വെച്ചാണ് അപകടം. ലോറി നിര്‍ത്തിയ ശേഷം താഴെയിറങ്ങി പിന്‍വശത്തേക്ക് മാറിയിരുന്നു. ഈ സമയം ലോറി പിന്നോട്ട് നിരങ്ങി നീങ്ങുകയും മറ്റൊരു ലോറിയില്‍ തട്ടിയപ്പോള്‍ അലോയിസ് ഇടയില്‍പ്പെടുകയുമായിരുന്നു. ഇന്ന് പുലര്‍ച്ചെയാണ് സംഭവം.
ബിന്ദുവാണ് അലോയിസിന്റെ മാതാവ്. സഹോദരങ്ങള്‍: അമല്‍, എല്‍ഗ. സംസ്‌ക്കാരം പിന്നീട്.