എന്‍സിഎച്ച്ആര്‍ഒ ദേശീയ നേതാവ് പ്രഫ. പി കോയയുടെ അറസ്റ്റ്; കോഴിക്കോട് നഗരത്തില്‍ പ്രതിഷേധം
കോഴിക്കോട്: മനുഷ്യാവകാശ ഏകോപന സമിതി ദേശീയ ജനറല്‍ സെക്രട്ടറി പ്രൊഫ. പി കോയയുടെ അന്യായമായ അറസ്റ്റിനെതിരെ എന്‍സിഎച്ച്ആര്‍ഒ കേരളാ ചാപ്റ്റര്‍ സംഘടിപ്പിക്കുന്ന പ്രതിഷേധ പ്രകടനവും പൊതുയോഗവും കോഴിക്കോട്ട്. സപ്തംബര്‍ 26 തിങ്കള്‍ വൈകുന്നേരം 4 മണിക്ക് കോഴിക്കോട് മൊഫ്യൂസ്യല്‍ ബസ് സ്റ്റാന്‍ഡില്‍ നിന്നും പുറപ്പെടുന്ന പ്രതിഷേധ പ്രകടനം കിഡ്‌സണ്‍ കോര്‍ണറില്‍ സമാപിക്കും.
തുടര്‍ന്ന് നടക്കുന്ന യോഗത്തില്‍ പ്രശസ്ത മാധ്യമ പ്രവര്‍ത്തകന്‍ എന്‍ പി ചെക്കുട്ടി, പൊതുപ്രവര്‍ത്തകന്‍ എ വാസു, പി അംബിക എന്‍സിഎച്ച്ആര്‍ഒ സംസ്ഥാന പ്രസിഡണ്ട് അഡ്വ. കെ സുധാകരന്‍, ദേശീയ സെക്രട്ടറി റെനി ഐലിന്‍ തുടങ്ങിയവര്‍ പങ്കെടുത്ത് സംസാരിക്കും.