പൊയ്യ: ഗ്രാമപഞ്ചായത്ത് വാര്‍ഡ് മൂന്ന് മാളപള്ളിപ്പുറം മദ്രസ്സാ റോഡില്‍ തെരുവ് വിളക്കുകള്‍ തെളിയുന്നില്ലെന്ന് പരാതി. ഇവിടെ രാത്രികാലങ്ങളില്‍ തെരുവ്‌നായ ശല്യം രൂക്ഷമായിട്ടുണ്ട്. ക്വാറന്റീനില്‍ കഴിയുന്ന വീട്ടുകാര്‍ ധാരാളമുള്ള സ്ഥലമാണ്. വെളിച്ചക്കുറവായതിനാല്‍ മുന്നറിയിപ്പ് സംവിധാനങ്ങള്‍ കണ്ണില്‍ പെടില്ല.
വാഹനങ്ങളും കാല്‍നടയാത്രക്കാരും കടന്ന് പോകുന്ന റോഡില്‍ അപകടം സ്ഥിരമായിരിക്കുകയാണ്. പകല്‍യാത്ര പോലും ബുദ്ധിമുട്ടായിരിക്കെ തെരുവ് വിളക്കുകള്‍ കൂടി കത്താതായതോടെ രാത്രിയില്‍ ഈ റോഡിലൂടെ യാത്ര ചെയ്യാന്‍ പറ്റാത്ത അവസ്ഥയാണെന്ന് നാട്ടുകാര്‍ പറയുന്നു.
നാട്ടുകാര്‍ നിരവധി തവണ പരാതി പറഞ്ഞെങ്കിലും ഗ്രാമപഞ്ചായത്ത് തെരുവ് വിളക്കുകള്‍ കത്തിക്കാന്‍ തയ്യാറാകുന്നില്ലെന്ന് പരാതിയുണ്ട്.