കൊച്ചി: എറണാകുളം ജില്ലയില്‍ ഇന്ന് 1687 പേര്‍ക്ക് കൊവിഡ് സ്ഥിരീകരിച്ചു. 9.3 ശതമാനമാണ് ടെസ്റ്റ് പോസിറ്റിവിറ്റി നിരക്ക്.1669 പേര്‍ക്കും സമ്പര്‍ക്കത്തിലൂടെയാണ് രോഗം പിടിപെട്ടത്.16 പേരുടെ ഉറവിടം വ്യക്തമല്ല. ഐഎന്‍എച്ച്എസ്‌ലെ 17 പേര്‍ക്കും ഒരു പോലിസ് ഉദ്യോഗസ്ഥനും ഒരു ആരോഗ്യപ്രവര്‍ത്തകനും ഇന്ന് സമ്പര്‍ക്കത്തിലൂടെ രോഗം പിടിപെട്ടു
ഇന്ന് 1306 പേര്‍ രോഗ മുക്തി നേടി. 3311 പേരെ കൂടി ജില്ലയില്‍ പുതുതായി വീടുകളില്‍ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 2117 പേരെ നിരീക്ഷണ പട്ടികയില്‍ നിന്നും ഒഴിവാക്കുകയും ചെയ്തു. വീടുകളില്‍ നിരീക്ഷണത്തില്‍ ഉള്ളവരുടെ ആകെ എണ്ണം 42685 ആണ്. ഇന്ന് 120 പേരെ ആശുപത്രിയിലും എഫ്എല്‍റ്റിസിയിലുമായി പ്രവേശിപ്പിച്ചു.