കൊവിഡ് കാല പ്രവര്‍ത്തനം: അന്നമനട പഞ്ചായത്തിന് എച്ച്ഡിഎഫ്‌സി ബാങ്കിന്റെ ആദരം
മാള: ആരോഗ്യ പ്രവര്‍ത്തനങ്ങളിലേയും മറ്റും മികവ് പരിഗണിച്ച് എച്ച്ഡിഎഫ്‌സി ബാങ്കിന്റെ ആഭിമുഖ്യത്തില്‍ അന്നമനട ഗ്രാമപഞ്ചായത്തിനെ ആദരിച്ചു. ഗ്രാമപഞ്ചായത്തിന്റെ കൊവിഡ് 19 പ്രതിരോധ പ്രവര്‍ത്തനങ്ങളിലെ മികവും പ്രതിരോധ മരുന്നുകളുടെ വിതരണവും ആരോഗ്യ പ്രവര്‍ത്തകരേയും പഞ്ചായത്ത് ഉദ്യോഗസ്ഥരെയും ഏകോപിപ്പിച്ചുള്ള പ്രവര്‍ത്തനങ്ങളും ഓണ്‍ലൈന്‍ പഞ്ചായത്ത് കമ്മിറ്റി കൂടലും മറ്റും പരിഗണിച്ചാണ് ഗ്രാമപഞ്ചായത്തിനെ തിരഞ്ഞെടുത്തതെന്ന് എച്ച്ഡിഎഫ്‌സി കൊരട്ടി ബ്രാഞ്ച് മാനേജര്‍ പ്രവീണ്‍ അറിയിച്ചു.
ഗ്രാമപഞ്ചായത്ത് പ്രസിഡന്റ് ടെസ്സി ടൈറ്റസ് അവാര്‍ഡ് ഏറ്റുവാങ്ങി. ചടങ്ങില്‍ ഗ്രാമപഞ്ചായത്ത് ടി കെ ഗോപി, സ്റ്റാന്റിംഗ് കമ്മിറ്റി ചെയര്‍മാന്‍ പി ഒ പൗലോസ്, ജനപ്രതിനിധികളായ എം യു കൃഷ്ണകുമാര്‍, എന്‍ കെ ജോഷി, ആരോഗ്യ പ്രവര്‍ത്തകര്‍, സ്റ്റാഫ് തുടങ്ങിയവര്‍ സംബന്ധിച്ചു.