ജിദ്ദ: ഹജ്ജ് വെല്‍ഫെയര്‍ ഫോറം 'ഫാറൂഖ് ശാന്തപുരം' അനുസ്മരണം സംഘടിപ്പിച്ചു. ജന സേവനം, പത്രപ്രവര്‍ത്തനം, സാമൂഹ്യ സേവനം, ആത്മീയ പ്രവര്‍ത്തനം എന്നിങ്ങനെ വിവിധ മേഖലകളില്‍ സജീവമായും നിരന്തരമായും ഇടപെട്ടും നേതൃത്വം നല്‍കിയും മികച്ച സഹകാരിയായും പ്രവര്‍ത്തിച്ച ഫാറൂഖ് ശാന്തപുരത്തിന്റെ സേവനങ്ങള്‍ ഹജ്ജ് വെല്‍ഫെയര്‍ ഫോറത്തിന്റെ ആഭിമുഖ്യത്തില്‍ സംഘടിപ്പിച്ച അനുസ്മരണ യോഗത്തില്‍ പങ്കെടുത്തവര്‍ ഓര്‍ത്തെടുത്തു.
ആദ്യകാല നേതാക്കളായ ചെമ്പന്‍ മൊയ്തീന്‍ കുട്ടി, എന്‍ മുഹമ്മദ് കുട്ടി, സി വി അബൂബക്കര്‍, അബ്ദുല്‍ ഹമീദ് പന്തല്ലൂര്‍, കുഞ്ഞാവുട്ടി അബ്ദുല്‍ ഖാദര്‍, പി.എം എ ജലീല്‍, സയ്യിദ് സഹല്‍ തങ്ങള്‍ എന്നിവരാണ് നാട്ടില്‍ നിന്നും അനുസ്മരണ യോഗത്തില്‍ പങ്കെടുത്തത്. ഹജ്ജ് വെല്‍ഫെയര്‍ ഫോറം ചെയര്‍മാന്‍ നസീര്‍ വാവാക്കുഞ്ഞ് അധ്യക്ഷത വഹിച്ചു. മുന്‍ ചെയര്‍മാന്‍ ചെമ്പന്‍ അബ്ബാസ് മുഖ്യ പ്രഭാഷണം നിര്‍വ്വഹിച്ചു. ജനറല്‍ കണ്‍വീനര്‍ മാമദു പൊന്നാനി, ഖജാന്‍ജി ബഷീര്‍ മമ്പാട് , ജനറല്‍ സെക്രട്ടറി സൈനുല്‍ ആബിദീന്‍, ജനറല്‍ കോര്‍ഡിനേറ്റര്‍ സി.എച്ച്.ബഷീര്‍, വോളണ്ടിയര്‍ ക്യാപ്ടന്‍ എ.കെ.സൈതലവി സംസാരിച്ചു.