നാദാപുരം: ഹിജാബ് നിരോധനം പൗരാവകാശ ലംഘനമാണെന്നും ഹിജാബ് അഴിച്ചുവെക്കാന്‍ ഞങ്ങള്‍ തയ്യാറല്ലെന്നും ഭരണഘടന നല്‍കിയ മൗലികാവകാശം നിഷേധിക്കാന്‍ കോടതികള്‍ക്ക് യാതൊരുവിധ അധികാരവുമില്ലെന്നും പ്രഖ്യാപിച്ചുകൊണ്ട് വിമന്‍ ഇന്ത്യ മൂവ്‌മെന്റ് മണ്ഡലം കമ്മിറ്റിയുടെ ആഭിമുഖ്യത്തില്‍ നാദാപുരം ടൗണില്‍ പ്രതിഷേധ റാലി നടത്തി. ഗവ: യു.പി സ്‌കൂള്‍ പരിസരത്ത് നിന്നും ആരംഭിച്ച പ്രതിഷേധ റാലിക്ക് മണ്ഡലം പ്രസിഡന്റ് ആരിഫ ടീച്ചര്‍, ട്രഷറര്‍ ബുഷ്‌റ സലാം എന്നിവര്‍ നേതൃത്വം നല്‍കി.