വീണ്ടും ജോക്കര്‍ മാല്‍വെയര്‍; പ്ലേ സ്റ്റോറില്‍ നിന്ന് ആപ്പുകള്‍ നീക്കം ചെയ്തു
ഫോണുകളില്‍ മുന്‍പ് ഇത്തരം ആപ്ലിക്കേഷനുകള്‍ ഇന്‍സ്റ്റാള്‍ ചെയ്തിട്ടുണ്ടെങ്കില്‍ ഉടന്‍ നീക്കം ചെയ്യണമെന്ന് സൈബര്‍ വിദഗ്ധര്‍ മുന്നറിയിപ്പ് നല്‍കുന്നുണ്ട്.
ന്യൂഡല്‍ഹി: ഒരു ഇടവേളക്കു ശേഷം വീണ്ടും ജോക്കര്‍ മാല്‍വെയറിന്റെ ആക്രമണം. ആന്‍ഡ്രോയ്ഡ് ആപ്ലിക്കേഷനുകളിലാണ് ഇത്തവണ മാല്‍വെയര്‍ കടന്നുകൂടിയത്. ഇതിനെ തുടര്‍ന്ന് അപകട മുന്നറിയിപ്പ് ലഭിച്ച ആപ്പുകള്‍ ഗൂഗ്ള്‍ പ്ലേ സ്റ്റോറില്‍ നിന്നും നീക്കം ചെയ്തു. ഫോണുകളില്‍ മുന്‍പ് ഇത്തരം ആപ്ലിക്കേഷനുകള്‍ ഇന്‍സ്റ്റാള്‍ ചെയ്തിട്ടുണ്ടെങ്കില്‍ ഉടന്‍ നീക്കം ചെയ്യണമെന്ന് സൈബര്‍ വിദഗ്ധര്‍ മുന്നറിയിപ്പ് നല്‍കുന്നുണ്ട്.
ക്വിക്ക് ഹീല്‍ സെക്യൂരിറ്റി ലാബ്‌സിലെ ഗവേഷകര്‍ ആണ്‌ ഇത് സംബന്ധിച്ച് മുന്നറിയിപ്പ് നല്‍കിയത്. ഉപഭോക്താക്കളഉടെ എസ്എംഎസ്, കോണ്ടാക്ട് ലിസ്റ്റ്, ഡിവൈസ് ഇന്‍ഫര്‍മേഷന്‍, ഒടിപികള്‍ എന്നിവ ചോര്‍ത്തിയെടുക്കുന്ന ജോക്കര്‍ മാല്‍വെയര്‍ വളരെയധികം അപകടകാരനാണ്.
ഫോണില്‍ ഇന്‍സ്റ്റാള്‍ ചെയ്തിട്ടുണ്ടെങ്കില്‍ ഉടന്‍ നീക്കം ചെയ്യേണ്ട 8 ആപ്പുകള്‍ ഇവയാണ്,
ഓക്‌സിലറി മെസേജ്
ഫാസ്റ്റ് മാജിക്ക് എസ്എംഎസ്
ഫ്രീ കാംസ്‌കാനര്‍
സൂപ്പര്‍ മെസേജ്
എലമെന്റ് സ്‌കാനര്‍
ഗോ മെസേജസ്
ട്രാവല്‍ വോള്‍പേപ്പര്‍
സൂപ്പര്‍ എസ്എംഎസ്