കെ- റെയില്‍ കേരളത്തിന്റെ വികസനത്തിന് ആവശ്യം: മലങ്കര മാര്‍ത്തോമ സഭാ പരമാധ്യക്ഷന്‍
പെണ്‍കുട്ടികളുടെ വിവാഹ പ്രായം ഉയര്‍ത്തിയ നടപടി പുരുഷന്മാര്ക്കും സ്ത്രീകള്‍ക്കും തുല്യ അവകാശങ്ങളും സ്വാതന്ത്ര്യവും നല്‍ക്കുമെന്നും അദ്ദേഹം വ്യക്തമാക്കി
കോഴിക്കോട്: കെ റെയില്‍ കേരളത്തിന്റെ വികസനത്തിനാവശ്യമായ പദ്ധതിയാണെന്ന് തിയഡോഷ്യസ് മാര്‍ത്തോമ മെത്രാപ്പൊലീത്ത. പദ്ധതിയില്‍ തീരദേശ മേഖലകളെക്കൂടി ഉള്‍പ്പെടുത്തണമെന്നും പദ്ധതിയെക്കുറിച്ചുള്ള ആളുകളുടെ ആശങ്ക പരിഹരിക്കണമെന്നും അദ്ദേഹം അഭിപ്രായപ്പെട്ടു. പെണ്‍കുട്ടികളുടെ വിവാഹപ്രായം ഉയര്‍ത്തിയ നടപടി പുരുഷന്മാര്ക്കും സ്ത്രീകള്‍ക്കും തുല്യ അവകാശങ്ങളും സ്വാതന്ത്ര്യവും നല്‍കുമെന്നും അദ്ദേഹം വ്യക്തമാക്കി.
വിവാഹ ജീവിതത്തിലേക്ക് പ്രവേശിക്കുന്നവര്‍ പക്വതയോടെ ചുമതലകള്‍ ഏറ്റെടുക്കേണ്ടവരാണെന്നും മനുഷ്യന്‍ വിദ്യാഭ്യാസത്തിലൂടെ ഉയര്‍ന്നുവരേണ്ടത് ആവശ്യമായിത്തീര്‍ന്നിരിക്കുകയാണെന്നും അദ്ദേഹം പറഞ്ഞു. പ്രായപരിധി 21 ആയി ഉയര്‍ത്തിയത് പുരുഷനും സ്ത്രീക്കും അതിനുള്ള സ്വാതന്ത്ര്യവും സമയവും സാവകാശവും നല്‍കാന്‍ ഇടയാക്കും- അദ്ദേഹം കൂട്ടിച്ചേര്‍ത്തു.