കുട്ടികള്‍ കളിക്കുന്നതിനിടെ റോഡിലേക്ക് ബോള്‍ ഉരുണ്ടുവന്ന് ബൈക്കില്‍ തട്ടി; മറിഞ്ഞുവീണ സ്ത്രീയുടെ ശരീരത്തിലൂടെ ലോറി കയറിയിറങ്ങി ദാരുണാന്ത്യം
മലപ്പുറം: നിയന്ത്രണം വിട്ട ബൈക്കില്‍ നിന്ന് മറിഞ്ഞുവീണ സ്ത്രീയുടെ ശരീരത്തിലൂടെ ലോറി കയറിയിറങ്ങി ദാരുണാന്ത്യം. വീട്ടില്‍ നിന്ന് കുട്ടികള്‍ ഫുട്‌ബോള്‍ കളിക്കുന്നതിനിടെ റോഡിലേക്ക് ബോള്‍ ഉരുണ്ടുവന്ന് ബൈക്കില്‍ തട്ടുകയായിരുന്നു. ഇതെത്തുടര്‍ന്ന് റോഡിലേക്ക് തെറിച്ചുവീണ സ്ത്രീയുടെ ശരീരത്തിലൂടെ ലോറി കയറുകയായിരുന്നു.
മലപ്പുറം എടവണ്ണ ഓതായിയില്‍ ഇന്ന് വൈകുന്നേരമായിരുന്നു അപകടം. അപകടത്തില്‍ കൂടെ ഉണ്ടായിരുന്നവര്‍ക്കും പരിക്കേറ്റു. പരിക്കേറ്റ സ്ത്രീയെ എടവണ്ണ ലാര ഹോസ്പിറ്റലില്‍ പ്രവേശിപ്പിക്കുകയും തുടര്‍ന്ന് മഞ്ചേരി മെഡിക്കല്‍ കോളജിലേക്ക് മാറ്റുകയും ചെയ്തു. സംഭവസ്ഥലത്ത് പോലിസും ഫയര്‍ഫോയ്‌സുമെത്തിയിട്ടുണ്ട്.